FSHF zbulon arsyen pse e shtyu javën e 12-të të Superiores

1 Nëntor 2022, 15:05, Sport CNA

FSHF zbulon arsyen pse e shtyu javën e 12-të të Superiores

Kategoria Superiore

Java e 12-të e Kategorisë Superiore, e cila ishte e programuar për t'u luajtur në datat 6 dhe 7 nëntor nuk do të zhvillohet dhe do të spostohet me një javë.

Këtë lajm e ka bërë publik Federata Shqiptare e Futbollit, e cila me anë të një komunikate zyrtare sqaron opinionin publik se ky vendim për shtyrjen e javës së 12-të të Kategorisë Superiore për t'u luajtur në datat 12 dhe 13 nëntor është bërë për shkak se Kombëtarja shqiptare do të zhvillojë ndeshjen miqësore ndaj Katarit në Spanjë më 9 nëntor, gjithashtu edhe për t’u dhënë një mundësi klubeve që të vendosin lojtarët në dispozicion të ekipit Kombëtar dhe për të mos cenuar barazinë e garës.

Java e 13-të e Kategorisë Superiore që FSHF ka njoftuar që do të luhet në muajin janar, do të vazhdohet rrjedhimisht më 14 dhjetor pas një lapsusi nga zyra e shtypit në FSHF.

KOMUNIKATA E PLOTË E FSHF-së –

“Ndeshja miqësore e Kombëtares shqiptare ndaj Katarit, e planifikuar për t’u luajtur më datë 9 nëntor në Marbella të Spanjës, ka sjellë një modifikim të kalendarit të Abissnet Superiore. Java e 12-të e kampionatit, e parashikuar për t’u zhvilluar në datat 6 dhe 7 nëntor, do të spostohet me një javë për t’u luajtur fundjavën e ardhshme me 12 dhe 13 nëntor. Ky spostim i propozuar nga Departamenti i Garave në FSHF, dhe i miratuar nga Komiteti Ekzekutiv me një vendim qarkullues, u mor për t’i dhënë mundësi klubeve që të vendosin lojtarët në dispozicion të ekipit Kombëtar dhe për të mos cënuar barazinë e garës.

Java e 13-të e Abissnet Superiore do të spostohet për tu luajtur në muajin janar 2023.”