web counter
LEXO PA REKLAMA!

SHKARKO APP

App Store
Google Play

Nis java e 8-të e Serie A, nuk ka fitues në Como-Parma dhe Genoa-Bologna

19 Tetor 2024, 16:55, Sport CNA
Nis java e 8-të e Serie A, nuk ka fitues në Como-Parma dhe
Genoa-Bologna, Burimi: Flashscore

Këtë të shtunë nisi java e tetë e Serie A, e cila pasdite erdhi me dy takime.

Como-Parma ndajnë pikët në javën e tetë të Serisë A. Sfida e luajtur në “Giuseppe Sinigaglia” u zhbllokua në minutën e 20’, me Bonny-n që kaloi miqtë në avantazh.

Megjithatë, vendasit barazuan pa u mbyllur pjesa e parë, me Paz që shënoi për Como-n në minutën e 45’.

Sa i përket pjesës së dytë, ky fraksion nuk prodhoi të tjerë gola, me ndeshjen që në fund u mbyll me rezultatin 1-1.

Pas këtij takimi, Como renditet në vend të 14-të me nëntë pikë, teksa Parma në vend të 15-të me shtatë pikë.

Edhe në ndeshjen tjetër që u luajt pasditen e së shtunës, Genoa-Bologna nuk ka fitues. Sfida e luajtur në stadiumin “Luigi Ferraris” u mbyll me barazimin 2-2.

Ndeshja u zhbllokua nga Orsolini që shënoi në minutën e 37’ për miqtë, teksa Odgaard dyfishoi avantazhin e Bologna-s në minutën e 56’.

Megjithatë, vendasit ia dolën që të ngushtonin diferencën me golin e Pinamonti-t në minutën e 73’, teksa në minutën e 85’ ishte po ai që shënoi për Genoa-n dhe i dhuroi barazimin skuadrës së tij.

Pas këtij, Genoa renditet në vend të 17-të me gjashtë pikë, teksa Bologna në vend të 13-të me nëntë pikë./CNA





Lajmet e fundit nga