web counter
LEXO PA REKLAMA!

SHKARKO APP

App Store
Google Play

Ronaldo, "makineri" golash. Portugezi shënon në ndeshjen e çmendur

19 Tetor 2024, 13:20, Sport CNA

Ronaldo, "makineri" golash. Portugezi shënon në ndeshjen e

Vitet kalojnë, por Cristiano Ronaldo mbetet i njëjti. Portugezi vazhdon të bëjë atë që di më mirë, të shënojë gola.

Sulmuesi konfirmoi formën e jashtëzakonshme që është duke kaluar në Arabinë Saudite, me fanellën e Al Nassr.

Futbollisti 39-vjeçar tundi rrejtën në fitoren që skuadra e tij mori ndaj Al Shabab me rezultatin 2-1. Në një ndeshje dramatike, Ronaldo rezultoi vendimtar, duke i dhënë tri pikë të arta skuadrës së tij.

Al Nassr kaloi në avantazh në minutën e 69-të, me mbrojtësin Laporte, por një autogol në minutën e 90-të, vendosi baraspeshën.

Kur sfida po i drejtohej fundit në barazim, erdhi një penallti për miqtë, të cilën e mori përsipër Ronaldo. Luzitani nuk gaboi dhe ia doli të shënojë nga 11 metërshi, për t’i dhënë avantazhin skuadrës së drejtuar nga Pioli.

Megjithatë emocionet nuk kishin përfunduar këtu. Al Shabab, fitoi një tjetër penallti në minutën e 13-të shtesë, por gabuan gjithçka, duke mos shënuar dot. Kjo është fitorja e katërt radhazi për Al Nasërin në kampionat, ndërsa mban vendin e dytë në renditje me 17 pikë, 4 më pak se kryesuesit e Al Hilal.

Për tu rikthyer te Ronaldo, goli ndaj Al Shabab, ishte i 907-ti në karrierë për lojtarin, në rang klubesh dhe kombëtaresh. Sulmuesi synon të arrijë shifrën e 1 mijë golave dhe për ta realizuar këtë, i duhen edhe 93 rrjeta.

Për 39-vjeçarin ku ishte goli i 12-të në këtë sezon dhe i 6-ti në kampionat me fanellën e Al Nassr. 





Lajmet e fundit nga