web counter
LEXO PA REKLAMA!

SHKARKO APP

App Store
Google Play

“Vetëm për fitore ndaj Dinamos”, Shkëmbi: Nuk kemi nevojë për mbledhje, s’justifikova as veten...

18 Tetor 2024, 18:24, Sport CNA

“Vetëm për fitore ndaj Dinamos”, Shkëmbi: Nuk kemi

Trajneri i Tiranës, Bledi Shkëmbi, foli për mediat në prag të sfidës me Dinamon, me derbin që do të luhet në Vlorë.

Shkëmbi deklaroi se pikët janë të domosdoshme dhe për këtë arsye kërkohet me çdo kusht triumfi.

Referuar humbjes me Teutën, tekniku bardheblu deklaroi se ishte ndeshja më e dobët e kampionatit.

“Derbi është ndeshje e rëndësishme, por akoma më të rëndësishme mendoj që janë pikët për ne. Vijmë pas dy javësh stërvitje, mendoj se na ka shërbyer me disa lojtarë që nuk ishin në gjendjen e duhur fizike apo mungesat e rëndësishme që kishin.

Duhen pikët me çdo kusht, në çdo ndeshje. Por patjetër duke parë vazhdimësinë e ndeshjeve të fundit, unë e kuptoj shumë mirë, edhe skuadra e di, që duhet të bëjmë maksimumin për të marrë tre pikët.

Ajo që duhet të bënim më mirë në ndeshjen e fundit është që të reagonim pas rezultatit 2-1. Për herë të parë në këto javë pashë skuadrën që nuk pati asnjë lloj reagimi. Lëmë mënjanë pjesën e arbitrave, por patjetër nuk duhet të gjejmë justifikim dhe unë nuk kam justifikuar as veten dhe as skuadrën, pas 2-1 bëmë 20 minuta shumë të dobëta, ndoshta më të dobëtat e këtij kampionati.

Për mbledhje nuk kemi nevojë, minimbledhjet bëhen çdo ditë para apo pas stërvitjeve. Por jam i bindur që skuadra e kupton momentin që jemi e situatën që jemi dhe ka dëshirë për të fituar”, deklaroi Shkëmbi.





Lajmet e fundit nga