web counter
LEXO PA REKLAMA!

SHKARKO APP

App Store
Google Play

Motta vuan gjashtë mungesa, Lazio sfidon “Zonjën e Vjetër” në “Allianz Stadium”

19 Tetor 2024, 11:14, Sport CNA
Motta vuan gjashtë mungesa, Lazio sfidon “Zonjën e
Juventus-Lazio, Burimi: The Laziali

Pas pushimit për shkak të ndeshjeve të kombëtareve në Ligën e Kombeve, këtë të shtunë rikthehet kampionati i Serie A.

Elita e futbollit italian vjen më një sërë sfidash interesante, ku spikat takimi i mbrëmjes mes Juventus-it dhe Lazio-s.

Këto dy skuadra do të vihen përballë njëra-tjetrës, duke nisur nga ora 20:45 në “Allianz Stadium”.

Ekipi i Thiago Motta-s vjen në këtë përballje pas barazimit ndaj Cagliari-t dhe kërkon rikthim te fitorja në kampionat. Ndërsa skuadra e trajnerit Marco Baroni ka si qëllim ruajtjen e ecurisë pozitive.

Sa u përket përballjeve kokë më kokë në Serie A, në pesë ndeshjet e fundit këto skuadra janë në balancë, pasi dy takime janë fituar nga Juventus, dy nga Lazio dhe një ka dalë barazim.

Megjithatë, vlen të theksohet se “bardhezinjtë” vijnë në këtë takim me shumë mungesa, pasi te Juventus janë të dëmtuar Bremer, Conceicao, Gonzalez, Koopmeiners, McKennie dhe Milik.

Ndërkohë, te Lazio vuajnë mungesat e Lazzari-t, ndërsa Gigot, Guendouzi dhe Patric janë në pikëpyetje.

Mbetet për t’u parë se cila mes këtyre dy skuadrave do të bindë, por diçka është e sigurtë, që spektakli nuk do të mungojë./CNA





Lajmet e fundit nga