web counter
LEXO PA REKLAMA!

SHKARKO APP

App Store
Google Play

Nga biseda me Lukakun te raportet me lojtarët e Interit/ "DAZN" zbulon anët e panjohura të Asllanit! Rrëfimi i mesfushorit

15 Korrik 2022, 12:58, Sport CNA

Një muaj para fillimit të Serisë A, klubet italiane po punojnë në merkaton e verës për të forcuar repartet dhe për ta nisur me këmbën e mbarë aventurën e re. Ndër skuadrat më aktive në këtë sesion merkatoje është Interi. Skuadra zikaltër ka përforcuar mesfushën dhe sulmin me afrimet e Asllanit dhe Lukakut, pa harruar edhe eksperiencën e Mikhitarian. Për mesfushorin shqiptar kjo është eksperienca e parë në një klub kaq të madh. Në një intervistë për "DAZN", mesfushori i ka idetë e qarta:

Titulli kampion? “Tashmë kemi bërë dy miqësore dhe gjithçka shkoi mirë. Djemtë janë të shkëlqyeshëm. Jam i bindur, dua ta fitoj titullin kampion me Interin.” Futbollisti shqiptar zhvilloi një sezon pozitiv me Empolin. 20-vjeçari tregoi talent të madh, duke tërhequr vëmendjen e drejtuesve zikaltër: “Çfarë më ra më shumë në sy? Ndoshta qendra sportive. Nuk jam mësuar me një qendër kaq të madhe sportive. Pastaj djemtë, sigurisht: përpara i shihja në televizor, tani luaj me ta".

Lukaku dhe lavdet e tij publike? “Po, ishte hera e parë që takoheshim dhe biseduam për gjysmë ore në qendrën mjekësore. Ai po më jep gjithashtu një dorë të madhe me procesin e integrimit. Rezervë e Brozoviçit? Me topin mes këmbëve ai është shumë i fortë. E kam parë gjatë gjithë kampionatit, duke e admiruar. Unë mund të mësoj nga Brozoviçi, mund ‘të vjedh’ shumë prej tij".

Roli në fushë? “Trajneri nuk më ka thënë ende asgjë, por unë mund të luaë çdo rol në mesfushë. Vitin e kaluar tek Empoli kam luajtur shumicën e kohës përpara mbrojtjes, por mund të mbuloj më shumë role. Fizikisht jam shumë mirë. Që nga shkurti kam luajtur shumë ndeshje me Empolin, ndaj duhet të falënderoj trajnerin Andreacoli dhe presidentin Corsi”.





Lajmet e fundit nga