web counter
LEXO PA REKLAMA!

SHKARKO APP

App Store
Google Play

Çmenduri në Abu Dhabi, 15 mijë fansa vetëm për të parë Leo Mesin në stërvitje…

15 Nëntor 2022, 09:30, Sport CNA

Çmenduri në Abu Dhabi, 15 mijë fansa vetëm për

Mbi 15 mijë tifozë ishin mbledhur këtë të hënë në stadiumin ‘Al Nahyan’ në Abu Dhabi për të parë stërvitjen e parë të skuadrës së Argjentinës, në të cilën mori pjesë Leo Mesi, që kishte mbërritur disa orë më parë në kryeqytetin e Emirateve.

Mesi, i cili mori pjesë të dielën në fitoren (5-0) e PSG-së ndaj Auxerre në Ligue 1, iu bashkua grumbullimit të ‘albicelesteve’ së bashku me Ángel di Marían dhe Leandro Paredes, të cilët gjithashtu luajtën ndeshjen dje me Juventusin e Serisë A kundër Lacios (2-0).

Çmenduri në Abu Dhabi për praninë e skuadrës argjentinase dhe veçanërisht për Mesin. Edhe një fans ‘spontan’ u hodh në fushë, por nuk arriti dot deri te ‘Pleshti’ falë ndërhyrjes së pjesëtarëve të sigurimit.

Lionel Skaloni, trajneri i skuadrës argjentinase, drejtoi një seancë të qetë përgatitore në Abu Dhabi, ku do të luajë ndeshjen e fundit miqësore kundër Emirateve të Bashkuara Arabe të mërkurën. Trajneri argjentinas kishte katërmbëdhjetë lojtarë në fillim të një séance, në të cilën ‘nxënësit’ e tij treguan një atmosferë madhështore dhe shumë të qeshura. Në orët e ardhshme ai shpreson të ketë të gjithë kampusin.

Argjentina do të debutojë në Kupën e Botës më 22 nëntor kundër Arabisë Saudite, do të përballet me Meksikën të shtunën më 26 dhe Poloninë të mërkurën më 30.





Lajmet e fundit nga