web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria humbet Gjimshitin dhe Balliun për miqësoren me Italinë, ja situata në kampin kuqezi

15 Nëntor 2022, 07:33, Sport CNA
Shqipëria humbet Gjimshitin dhe Balliun për miqësoren me
Kombëtarja shqiptare

Dëmtime dhe ndryshime në listën e Kombëtares në prag të miqësores me Italinë që do të zhvillohet ditën e mërkurë në “Air Albania”. Shqipëria nisi sot përgatitjet në fushë në kuadër të dy miqësoreve, ndaj të kaltërve dhe armenëve, teksa zyra e shtypit në FSHF bën me dije se sulmuesit Armando Broja dhe Kristal Abazaj kanë mbërritur në mesditë në grumbullim dhe janë konsultuar menjëherë me stafin mjekësor për shkak të disa shqetësimeve muskulore.

Të dy lojtarët kanë bërë vetëm pak stërvitje të diferencuar dhe gjendja e tyre fizike mbetet për t’u vlerësuar në vazhdimësi. Duke parë situatën me dëmtimet, trajneri Reja ka vendosur të thërrasë dy lojtarët e Partizanit, Tedi Cara dhe Xhuliano Skuka, me sulmuesit që mbërrijnë gjatë orëve të mbrëmjes në qendrën stërvitore të Kombëtares, së bashku me Andi Hadrojn dhe Eneo Bitrin, që të katërt të impenjuar me ndeshjen e sotme që Partizani zhvilloi ndaj Bylisit.

Sakaq, stafi teknik ka marrë përgjigje negative nga klubi i Atalantës për Berat Gjimshitin dhe nga Rajo Vajekano për Ivan Balliun me të dy lojtarët që do të mungojnë në këto miqësore. Që të dy kanë pasur probleme fizike kohët e fundit dhe klubet shpresojnë të shfrytëzojnë këtë periudhë pauze që ata të rikuperohen plotësisht dhe të mos rrezikojnë dëmtime të mëtejshme.

Me ekipin do të bashkohen në mbrëmje edhe Marash Kumbulla, Elseid Hysaj, Odise Roshi, Keidi Bare, Qazim Laçi, Arbnor Muçolli dhe Myrto Uzuni, që të gjithë të gatshëm për t’u stërvitur me ekipin ditën e martë.





Lajmet e fundit nga