web counter
LEXO PA REKLAMA!

SHKARKO APP

App Store
Google Play

E fundit!

x

Mposhtën Skënderbeun/ Trajneri i Korabit: Donim vetëm fitoren, i kishim marrë të gjitha masat

14 Nëntor 2022, 16:07, Sport CNA

Korabi ka mposhtur Skënderbeun me rezultatin 2-1. Një sfidë që i pati të gjitha, penallti, emocione, fuqi, gola. Pas ndeshjes, ka folur edhe trajneri i Korabit, Shpend Kumbarçe.

Një fitore tepër e rëndësishme sot që ju ndihmon të ngjisni shkallët e klasifikimit, a jeni i kënaqur?

Jam i kënaqur për reagimin që patëm pas barazimit të Skënderbeut, grinda dhe dëshira për të qenë sa më lart. Në 9 javë s'kemi qenë asnjëherë një 11-she e plotësuar pasi kemi pasur shumë mungesa, fitorja është e rëndësishme pasi erdhi pas humbjes në Pukë dhe pas dy barazimeve me Dinamon dhe Orikun. Kishim shumë nevojë dhe e patëm përgatitur mjaft mirë ndeshjen. Kishim marrë të gjitha masat, dhe në fund morëm atë që dëshiruam.

Ishte kjo fitore një konfirmim që aspiratat e skuadrës së Korabit janë për t'u ngjitur në "Abissnet Superiore"?

Ka qenë gjithmonë pretendent për t'u ngjitur, këtë vit jemi në një grup shumë të vështirë, kemi luajtur ndeshje të forta dhe kemi marrë pikë jashtë jemi brenda objektivave dhe shpresoj të arrijmë edhe më shumë gjëra që na janë caktuar nga president i klubit”, u shpreh ai në një prononcim për "Oversport".





Lajmet e fundit nga