web counter
LEXO PA REKLAMA!

SHKARKO APP

App Store
Google Play

E fundit!

x

LIVE | Teuta-Erzeni/ Shijakasit përmbysin gjithçka, Nonato shënon golin e dytë (VIDEO)

14 Nëntor 2022, 14:13, Sport CNA

Ka startuar në orën 13:00, në stadiumin “Arena Egnatia”, derbi i Durrësit, Teuta-Erzeni, e vlefshme për javën e 12-të në Kategorinë Superiore.

Durrsakët e Bledi Shkëmbit ndodhen në vendin e fundit dhe kërkojnë kthesën pas tre ndeshjesh pa fitore, e njëjta gjë vlen edhe për ekipin shijakas të Xhevahir Kapllanit, teksa synojnë triumfin, të cilëve u mungon prej dy takimeve.

Vlen të theksohet se ky takim po luhet në Rrogozhinë, pasi fusha e stadiumit “Niko Dovana”, i është nënshtruar mbjelljes së barit.

LIVE Teuta-Erzeni 1-2

L. Vila 48′ / Kahrimanoviç 54′, Nonato 70'

KOMENTI LIVE:

69′ GOOOL ERZENI 1-2! Shijakasit përmbysin gjithçka me Patrik Nonaton. Sulmuesi brazilian gjendet i vetëm përpara portierit Pano Qirko pas pasimit dhe aksionit perfekt nga Ilirid Ademi, teksa ka shënuar golin e përmbysjes.

54′ GOOOL ERZENI 1-1! Rikthehet shumë shpejt baraspesha, Amir Kahrimanoviç shënon një gol mjaft të bukur nga jashtë zone.

 

 

48′ GOOOL TEUTA 1-0! Zhbllokohet derbi i Durrësit! Lorenco Vila kalon në avantazh skuadrën durrsake pas disa driblimeve duke qenë i saktë përpara porte duke mposhtur Dashamir Xhikën.

 

46′ Nis pjesa e dytë! Erzeni shkelmon topin e parë të fraksionit të dytë të lojës.

45′ Arbitri i katërt, Silvio Dyrmishi ka akorduar 2 minuta shtesë!

44′ “Ndizet” sfida, Erzeni pranë golit! Kahrimanoviç kroson në zonë nga goditja e dënimit, por me kokë Enk gabon duke e dërguar topin jashtë.

40′ Shpërthejnë protestat! Teksa Teuta pretendon penallti pas një pengimi në zonë.

39′ Tani është Teuta ajo që provon me kapitenin, Emiljano Vilën nga një goditje me kokë nga këndi, por topi përfundon jashtë.

33′ Erzeni rrezikshëm, teksa provohet rasti i parë për gol! Pano Qirko bën ndërhyrje vendimtare ndaj Amir Kahrimanoviç duke i mohuar goditjen dhe golin shijakasve.

28′ Erando Karabeci provon portën nga një distancë e konsiderueshme në goditje dënimi, por topi përfundon shumë larg portës së mbrojtur nga Dashamir Xhika.

26′ Vjen kartoni i parë i verdhë i takimit! Kapiteni i Erzenit, Gëzim Krasniqi ka goditur në fillim kundërshtarin me takën lart dhe më pas topin, me arbitrin kryesor, Enea Jorgji, i cili e ndëshkon me të verdhë menjëherë.

21′ Teuta provon të befasojë shijakasit me një kundërsulm me Ildi Grudën, me këtë të fundit që gabon duke shtyrë shumë topin dhe me portierin Dashamir Xhikën që e bën topin për vete.

17′ Ledjo Beqja mbetet i dëmtuar pas një përplasje me kundërshtarin, por edhe për të asgjë serioze.

14′ Erzeni provon kundërsulmin me Peposhin, por mbrojtja e Teutës tregohet e saktë duke mbyllur rrezikun.

8′ Ildi Gruda mbetet i dëmtuar duke marrë një goditje pas kokës, me stafin mjekësor të Teutës që hynë në fushë për ta mjekuar, por asgjë serioze.

7′ Prej disa minutash ekipi i drejtuar nga Bledi Shkëmbi po tregohet rrezikshëm duke prodhuar disa raste për gol, por duke qenë të pasaktë përpara portës.

4′ Teuta kryen një goditje këndi, por portieri Xhika ka grushtuar topin.

1′ Starton derbi i Durrësit! Teuta shkelmon topin e parë të takimit.

TEUTA – (4-3-3): Qirko; Kotobelli, Kuro, Idrizaj, A. Marku; Beqja, Karabeci, E. Vila; L. Vila, Hebaj, Gruda. Trajner: Bledi Shkëmbi.

ERZENI – (3-5-2): Xhika; Enk, Krasniqi, Sadiki; Kadriu, Kriviçiç, Mehmeti, Kahrimanoviç, Peposhi; Ademi, Nonato. Trajner: Xhevahir Kapllani.

Arbitër kryesor – Enea Jorgji (Elbasan)

Asistent i parë – Astrit Mahmuti (Elbasan)

Asistent i dytë – Maringlen Llukmani (Vlorë)

Arbitër i katërt – Silvio Dyrmishi (Elbasan)

AVAR – Rejdi Zajimi (Tiranë)

 





Lajmet e fundit nga