E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

“Bomba” e Ronaldos, Mançester Junajtid po mendon t’i prishë kontratën

15 Nëntor 2022, 08:56, Sport CNA

“Bomba” që lëshoi Kristiano Ronaldo mbrëmjen e së dielës do të vazhdojë të lëshojë zjarr për një kohë të gjatë.

Mançester Junajtid ka reaguar përmes një deklarate për intervistën, që sulmuesi portugez akuzonte klubin për tradhti dhe se janë përpjekur që ta largojnë gjatë verës.

“Klubi do të mendojë përgjigjen e tij pasi të kenë dalë të gjitha faktet. Fokusi ynë mbetet në përgatitjen e pjesës së dytë të sezonit, vazhdimin e momentit, besimit dhe bashkimit që është ndërtuar mes lojtarëve, trajnerit, stafit dhe tifozëve”, thuhej në deklaratën e klubit.

“The Telegraph” zbuloi se ditën e djeshme trajneri Erik ten Hag është takuar me administratorin Riçard Arnold dhe drejtorin sportiv, Xhon Murtaf, për të diskutuar masën ndëshkimore për Ronaldon. Në diskutime ka marrë pjesë edhe bashkëpresidenti dhe pronari, Xhoel Glejzër.

Sipas “Sky Sport”, trajneri holandez dhe shokët e skuadrës janë shumë të zhgënjyer me gjuhën që portugezi përdori gjatë intervistës, por edhe kohën e daljes saj. Sanksionet mund të nisin nga gjobat, deri te pezullimi, por edhe ndërprerja e kontratës që në muajin janar, duke e lënë kështu të lirë sulmuesin 6 muaj përpara se t’i skadojë marrëveshja.

Klubi është duke u konsultuar me avokatët dhe do të marrë këshilla ligjore përpara se t’i përgjigjet deklaratës së CR7-ës.

Një avokat i njohur sportiv, Dejvid Seligman, firma e të cilit punon me “Djajtë”, tha se Junajtid i ka bazat për t’i prishur kontratën pa penalitete.

“Junajtid ka bazën për prishjen e kontratës pas kësaj interviste.

Ka shkelje të kontratës në fushën e besimit dhe dëmtimit të reputacionit të klubit”, shkroi avokati në “Twitter” përpara se ta fshinte atë. Sipas tij Junajtid mund të ndalojë edhe pagesat për menaxherin Zhorzh Mendesh.

Agjentët e lojtarëve paguhen për atë që quhet “shërbime të mëtejshme” për të ruajtur marrëdhënien e qëndrueshme mes klubit dhe lojtarit, e kundërta e asaj që ka bërë kjo intervistë.