LIVE ARGJENTINË-KROACI/ Nis dueli, sot mësohet emri i finalistes së parë të Botërorit

13 Dhjetor 2022, 20:05, Sport CNA

LIVE ARGJENTINË-KROACI/ Nis dueli, sot mësohet emri i finalistes

Argjentinë-Kroaci është sfida e parë gjysmëfinale e Botërorit 2022, që do të dekretojë se cili nga dy ekipet do të shkojë në finalen e madhe të turneut.

Përballë vihen dy skuadrat të cilat kanë dalë të mundura në finalet e dy edicioneve paraardhëse, teksa këtë herë shpresojnë që të bëjnë të vetin trofeun. Përballë vihet talenti i padiskutueshëm i Lionel Mesit me atë të Luka Modriç, dy gjeni të ndryshëm në llojin e tyre për atë që bëjnë në fushë, por vendimtarë në lojën e ekipit.

Për të mbrojtur “Pleshtin” nga agresiviteti i mesfushës kroate, Skaloni ka vendosur të aktivizojë nga minuta e parë dyshen Paredes-De Pol, duke shtuar më shumë forcë përballë emrave si Brozoviç e Kovaçiç të cilët do të përpiqen të ndalin me çdo kusht vrullin e yllit argjentinas.

LIVE ARGJENTINË-KROACI 0-0

NGJARJET KRYESORE:

27’ Goditje dënimi e Modriç, i cili harkon në zonë por mbrojtja argjentinase largon rrezikun dhe nis një kundërsulm të shpejtë. Është vetë Modriç i cili kthehet deri në zonë e vet për të shmangur rrezikun nga Alvarez.

25’ Gjuajtje e fortë e Fernandez nga distanca, Livakoviç grushton sferën në të majtë të tij. (VIDEO)

22’ Mesi gabon kontrollin e topit në zonën kundërshtare dhe sfera shkon në fundore, duke shpërdoruar një mundësi për të krijuar diçka të rrezikshme.

19’ Radha e Sosa të tentojë harkimin në zonë nga e majta, mbrojtja e ka të thjeshtë të kontrollojë përsëri gjithçka.

15’ Një harkim i Juranoviç i devijuar në këndore dhe ekzekutimi i kësaj goditje nga kroatët krijojnë pak panik në zonën e argjentinasve, por Lovfen në fund gjuan jashtë me kokë.

12’ Dominim në mbajtjen e topit i kroatëve në minutat e parë me Argjentinën që rrallëherë ka qenë në gjendje të ketë sferën në kontroll për të krijuar diçka të rrezikshme.

7’ Duket se kjo do të jetë taktika e kroatëve në këtë sfidë, pasi edhe Juranoviç provon të hedhë një top në zonë, por përsëri pa gjetur sulmuesin.

5’ Perisiç mundohet të harkojë në zonë për Kramariç, por Maritnez del dhe kontrollon sferën.

1’ Nis dueli i parë i gjysmëfinaleve.