web counter
LEXO PA REKLAMA!

SHKARKO APP

App Store
Google Play

Dëmtimi i Nojerit, zbulohen 4 pretendentët për të zëvendësuar te Bajerni

13 Dhjetor 2022, 14:43, Sport CNA

Dëmtimi i Nojerit, zbulohen 4 pretendentët për të

Dëmtimi surprizë i Manuel Nojerit gjatë ditëve të fundit, i cili pasua me konfirmimin se 36-vjeçari e ka mbyllur këtë sezon si rezultat i thyerjes së këmbës me ski ka ndezur motorët te drejtuesit bavarezë për të gjetur zëvendësuesin e denjë në katërkëndëshin e tyre.

ULRAISH-Sven është portieri i dytë në “Allianz Arena” dhe emri më i mundshëm për të vazhduar në rolin e titullarit për aq kohë sa Nojer është jashtë. Por nëse marrim parasysh pretendimet e Bajernit në Ligën e Kampionëve, marrja në gjirin e tyre të një gardiani titullar dhe me eksperiencë për një kompeticion të tillë rezulton zgjedhje e pashmangshme. Rinovimi i tij para fillimit të Botërorit u pasua me komentet e drejtuesve të gjigantëve gjermanë se Ulraish është pikë e fortë dhe ka rol të veçantë edhe në vitet e ardhshme.

NYBEL-Aleksandër mund të quhet me të drejta të plota lojtari i Bajernit, pasi këta të fundit e kanë në zotërim kartonin e 26-vjeçarit, por i huazuar tek ekipi francez i Monakos. Nybel gëzon reputacion pozitiv në Mynih dhe shpeshherë ka marrë rolin e zëvendësuesit të Nojerit nga fjalët e Salihamixhiçit.

NAVAS-Gardiani i përfaqësueses së Kosta Rikës është një tjetër emër potencial për të mbrojtur kuadratin e rekordmenëve gjermanë. Në Paris ai e ka humbur reputacionin e titullarit dhe një lëvizje drejt Bajernit do të ishte qershia mbi tortë për të, me moshën mbi shpinë (35 vjeç).

LIVAKOVIÇ-Kombëtarja e Kroacisë ka gjetur në gjirin e saj një “merimangë” të vërtetë në portë, fjala është për Dominik Livakoviç. Kaq ka mjaftuar për Salihamixhiç që të hedhë grepat te Dinamo Zagreb, i cili ka në pronësi 27-vjeçarin. Kontrata e tij skadon në 2024-ën.





Lajmet e fundit nga