web counter
LEXO PA REKLAMA!

SHKARKO APP

App Store
Google Play

E fundit!

x

Mediat portugeze duan Murinjon në krye të kombëtares

13 Dhjetor 2022, 12:57, Sport CNA

Eliminimi i Portugalisë në fazën çerekfinale nga Maroku ishte një ndër surprizat më të mëdha të këtij Botërori. Padyshim që një ndër fajtorët më të mëdhenj ishte trajneri Fernando Santos.

Lënia në stol e Ronaldos shkaktoi pakënaqësi te futbollisti, por edhe te shokët e tij të ekipit. Si pasojë e këtyre, mediat në Portugali kanë nisur të flasin për një largim të teknikut.

“Fundi i epokës Fernado Santos”, shkruan A Bola në faqen e parë duke shtuar se është koha për të ndryshuar trajner. Objektivi është “Euro2024”, por duhet një trajner i ri.                                                                                                                        
Në të njëjtën linjë është edhe Record: "Santos duhet larguar pasi besimi i lojtarëve ndaj tij është minimal, por trajneri nuk ka ndërmend të japë dorëheqjen, shkarkimi i tij kushton 7 milionë euro".

Ky eliminim bëri bujë edhe në Itali, saqë edhe “Corriere dello Sport”, ka shkruar se në Portugali po mendojnë për Zhose Murinjon. Në fakt edhe trajneri i Romës nuk e ka fshehur kurrë dëshirën që një ditë të drejtojë përfaqësuesen e vendit të tij dhe ndoshta ky është momenti ideal për ta bërë diçka të tillë.





Lajmet e fundit nga