web counter
LEXO PA REKLAMA!

SHKARKO APP

App Store
Google Play

Maldini shtang tifozët: Nuk është i pashitshëm

13 Dhjetor 2022, 16:32, Sport CNA

E ardhmja e Rafael Leaos vazhdon të mbetet një mister i vërtetë, sidomos pas paraqitjeve mbresëlënëse në Botërorin e Katarit nën urdhrat e teknikut Santos. Edhe pse minutazhi në këmbët e tij ishte i pakët në këtë aventurë, sërish 23-vjeçari arriti të zbërthente gjithë arsenalin në versionin më të mirë, jo vetëm me lojën e vrullshme nga krahu i majtë, por edhe në dy golat e shënuar, konkretisht ndaj Ganës dhe Zvicrës.

Çelsi, Mançester Junajtid, Siti dhe Real Madridi e kanë nisur “luftën” ende pa u hapur dritarja e transferimeve, çka nënkupton interesimin e gjigantëve në arenën botërore ndaj shërbimeve të yllit portugez, i cili vlerësohet maksimalisht në “San Siro”. Kontrata e Rafaelit skadon në 2024-ën dhe rinovimi do të ishte i vetmi opsion pozitiv për tifozërinë dhe drejtuesit kuqezi. Gjendja në fjalë ka pasur ndikim të menjëhershëm te presidenti Skaroni dhe drejtori teknik Paulo Maldini:

PRESIDENTI-”Maldini po e trajton çështjen me kujdes dhe jam i bindur se së shpejti do të kemi lajme pozitive mbi të ardhmen e Leaos në Milano. Të gjithë jemi koshientë se sa i rëndësishëm është ai në ekip dhe rinovimi do të rezultonte me fund të lumtur. I drejtohem çdo tifozi milanist të qëndrojë i qetë pasi Maldini nuk gabon në gjërat që merr përsipër”, pohonte me nota të larta besimi 76-vjeçari. Pretendimet në Ligën e Kampionëve dhe rroga e lartë mund të jenë dy pengesat kryesore që mund të dërgojnë Leaon drejt refuzimit për të vazhduar rrugëtimin në Itali, marrë në konsideratë edhe emrat e gjigantëve europianë në monitorim.

MALDINI-”Negociata do të ketë me Leaon dhe është e vërtetë se lojtarët e mirë duhet të paguhen në të njëjtën mënyre. I kuptoj edhe pretendimet e tij për të konkurruar mes më të mirëve e ku avancimi i çdo lojtari rrit edhe ekipin. Gjithsesi duhet të pranojmë se asnjë futbollist nuk është i pashitshëm, këtu përfshihet edhe Rafael”, përfundoi legjenda italiane.





Lajmet e fundit nga