E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Legjionarët/ Gjasula ‘ngjitet në Bundesligë’, Uzuni një ndeshje larg! Asllani, më i miri i mesfushës zikaltër

22 Maj 2023, 11:14, Sport CNA

Legjionarët/ Gjasula ‘ngjitet në Bundesligë’, Uzuni

Kur kanë mbetur edhe pak javë nga përfundimi i sezonit futbollistik 2022-2023 në të gjitha kampionatet europiane, futbollistët shqiptarë vijojnë të tregojnë cilësitë e tyre dhe të paraqiten mjaft mirë në klubet e tyre. Pjesa më e madhe e legjionarëve e kanë nisur nga minuta e parë, duke nisur nga Elseid Hysaj me Lazio-n, te Berat Gjimshiti me Atalanta-n e Nedim Bajrami me Empoli-n e Kristjan Asllani me Interin.

Bajrami ishte protagonist me ekipin e Sassuolo-s, duke fituar një penallti në minutën e fundit të pjesës së parë, ndërsa Asllani, i cili e nisi si titullar është vlerësuar si lojtari më i mirë i mesfushës zikaltër nga uebsajti i specializuar për statistika, Sofascore, me notën 6.9.

Gol dhe asist nga mesfushori i talentuar kuqezi Arbnor Mucolli, i cili aktivizohet në kampionatin danez me ekipin e Vejles. Djaloshi shqiptar ishte protagonist dy herë në takimin ndaj Nastved, duke dhuruar fillimisht asistin e golit të parë, e duke realizuar edhe golin e tretë vetë për ekipin.

Lajm i shkëlqyer nga mesfushori kuqezi Klaus Gjasula. Ekipi i Darmstad ku aktivizohet djaloshi shqiptar siguroi matematikisht ngjitjen në Bundesligë për sezonin e ardhshëm, e sigurisht edhe me kontributin e vyer të futbollistit të Kombëtares shqiptare. Ndërkaq, edhe skuadra e Granada-s, ku aktivizohet sulmuesi shqiptar, Myrto Uzuni, është një pikë e një ndeshje larg ‘La Liga-s’ sezonin e ardhshëm. E kjo arritje është edhe falë golave të sulmuesit kuqezi.

Derbi shqiptar në kampionatin spanjoll mes Ivan Balliut (Rayo Vallecano-s) dhe Keidi Bares (Espanyol) pa fitimtare skuadrën e këtij të fundit. Dy kuqezinjtë e Kombëtares shqiptare patën paraqitje mjaft të mira në ekipet respektive.

Jon Mersinaj, Jasir Asani e Ernest Muçi luajtën për 90 minuta me ekipet e tyre, duke e nisur si titullarë. Ndërkaq, minuta kanë marrë edhe Taulant Seferi me Vorsklën në Ukrainë, si edhe Amir Abrashi në kampionatin zvicerian.