web counter
LEXO PA REKLAMA!

SHKARKO APP

App Store
Google Play

Brdariç rikthehet në Shqipëri? “Projektohet” si trajner i kryeqytetasve në Superiore

21 Maj 2023, 21:06, Sport CNA

Brdariç rikthehet në Shqipëri? “Projektohet” si

Dinamo arriti të rikthehej në Superiore duke qëndruar vetëm 1 vit në Kategorinë e Parë. Presidenti Adrian Bardhi ia ka besuar ekipin trajnerit Dritan Mehmeti. Megjithatë duket se ende nuk është vendosur asgjë. "Newsport" raporton se Thomas Brdariç mund të jetë arkitekti i ri i 18 herë kampionëve të vendit. Ish trajneri i Vllaznisë ka lënë shije pozitive te drejtuesit e Dinamos, të cilët e kanë në konsideratë për sezonin e ri futbollistik. Gjermanit i përfundon kontrata në kampionatin indian me Chennaiyin dhe vitin e ardhshëm mund ta shohim sërish në Superiore.

Gjatë periudhës që drejtoi kuqeblutë, presidenti Bardhi pati shprehur hapur pëlqimin për ta pasur në krye të skuadrës. Por, kontrata me shkodranët e pengoi 48-vjeçarin për të marrë drejtimin e kryeqytetasve.

Pritet me interes të shihet se çfarë do të ndodhë, teksa bashkë me të është edhe drejtori sportiv, Matko Djarmati. Ky i fundit një njohje e vjetër e Dinamos, ku ka kontribuar vite më parë si futbollist i këtij klubi. Tanimë mund të rikthehet sërish si “paketë” bashkë me trajnerin Thomas Brdariç. Gjithçka pritet të zbulohet në fillimet e merkatos së verës. 





Lajmet e fundit nga