E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Disfata me Lajpcigun, Tuhel godet Nagelsmanin: A e dini se çfarë ekipi kam marrë?!

22 Maj 2023, 09:37, Sport CNA

Disfata me Lajpcigun, Tuhel godet Nagelsmanin: A e dini se çfarë

Humbja e beftë ndaj Lajpcigut në javën e parafundit të Bundesligës, e cila ka sjellë pasoja edhe mbi kreun, njëkohësisht çështjen titull, ka bërë që Tomas Tuhel t’i “japë gojës” me tepër seç duhet në prononcimin pas duelit në fjalë. 49- vjeçari gjerman nuk e kurseu Nagelsmanin, ku sipas tij grupi ndodhej në një gjendje aspak pozitive, jo vetëm në rezultate, por edhe në ndërtimin e lojës.

“FAJTORI”- "Ekipin nuk e mora në gjendjen që mendoja dhe jam përpjekur ta sjell në udhën e duhur, madje duke menduar çdo minutë pas zyrtarizimit si trajner i kampionëve të Gjermanisë. Nuk dua ta përdor në trajtën e justifikimit, pastaj nëse gjithçka do të ishte në rregull, përse u ndryshua trajneri?! As nuk dija nga t’ia nisja. Forma jo e mirë fizike në kontingjent vërehej qartë”, tha me nota të larta ish-tekniku i Dortmundit.

HUMBJA- ”Deri në minutën e 30-të ne po dhuronim paraqitje dinjitoze dhe me temp, por më pas u duk se ai ritëm nga ana jonë ra, për t’ua lënë radhën pasigurive në manovrat ofensive dhe gabimet e panumërta në prapavijë, çka ndikoi në rezultatin final. E gjithë ajo punë e ndërtuar u shpërbë sa hap e mbyll sytë”.

IMPAKTI I MYLERIT- "Kapitenin do ta konsideroja si promotorin e atyre 30 minutave plot entuziazëm dhe gjallëri në lojë nga gjiri ynë. Po ashtu fjala e 33-vjeçarit zë rrënjë të thella në pjesën tjetër të lojtarëve. Jam optimist se në të ardhmen e afërt suksesi do të vijë, ama në situatën aktuale jemi të varur nga Dortmundi rreth kampionatit”, pohoi ish-tekniku i verdhezinjve në periudhën 2015-2017.

FRIKA E SHKARKIMIT- "Pavarësisht se si do të përfundojë sezoni, jam i lumtur me progresin pas çdo jave, krahas gjendjes së ditëve të para në prill. Mbase dështimi në mbrojtjen e titullit do të na shërbejë si mësim i vlefshëm për vazhdimësinë”, përfundoi Tuhel.