web counter
LEXO PA REKLAMA!

SHKARKO APP

App Store
Google Play

Spaleti përgatit lamtumirën nga Napoli: Mbetet vetëm ta themi

21 Maj 2023, 22:46, Sport CNA

Luçiano Speleti po bëhet gati t’i japë lamtumirën Napolit dhe fjalët e tij pas përfundimit të ndeshjes ndaj Interit, shtyjnë gjithnjë e më shumë drejt këtij përfundimi. Mendohej se darka me De Laurentis kishte zgjidhur gjithçka për qëndrimin, por duket se është e kundërta.

Edhe pse ai nuk e ka thënë direkt se do të largohet në fund të sezonit, deklaratat e tij para mediave lënë pak vend për dyshim.

“Nuk po pres asgjë, është gjithçka e qartë dhe e përcaktuar. Mbetet vetëm ta themi. Kemi rënë dakord me presidentin për të pritur edhe pak. Nuk kishte asnjë lloj negociate, nga darka me presidentin kemi dalë me gjithçka në rregull. Dhe faturën e pagoi De Laurentis”, tha duke qeshur trajneri i për ”DAZN”.

Më pas, në konferencë për shtyp, trajneri ka vazhduar me fjalët që lënë pak vend për interpretim. “Diskutimi tashëm është mbyllur, nuk është se ndërron ide çdo ditë. Është një diskutim që nis prej kohësh, që vjen nga puna e bërë nga mëngjesi në darke, ku një person kupton disa gjëra pasi duhet shfaqur ky spektakël gjithmonë. Nëse nuk je i bindur se mund t’i japësh gjithçka që meriton ky qytet, është e drejtë që të ulesh e të bësh disa arsyetime. Bëhen arsyetime dhe pastaj arrihet në konkluzione e ecet drejt. Nuk është një situatë e cila na ra mbi kokë tani”, tha Spaleti para mediave.





Lajmet e fundit nga