web counter
LEXO PA REKLAMA!

SHKARKO APP

App Store
Google Play

Kukësi, vetëm java e tretë e Superiores/ Gjici nuk e harron zakonin e largimeve: Nuk e ka bërë mirë detyrën

5 Shtator 2022, 18:10, Sport CNA

Një gol i Xhuljo Mehmetit në minutën e 90 fundosi Kukësin që pësoi humbjen e dytë radhazi, në javën e tretë të Kategorisë Superiore. Kastrioti fitoi me përmbysje me shifrat 1-2. Një humbje e tillë nuk është pritur mirë nga Kryetari i Bashkisë Kukës, që është njëkohësisht president nderi i klubit verilindor. Gjici është shfaqur i irrituar me të gjithë komponentët dhe madje është marrë masë edhe për Pero Pejic, që në rolin e zëvendëstrajnerit, është pezulluar nga detyra. Pejic u pezullua se nuk bëri mirë detyrën e tij dhe prandaj, duhet të reflektojë tani”, tha Gjici.

“Klubi i ka realizuar të gjitha dëshirat e stafit teknik. Janë krijuar dy ekipe aty, pastaj se çfarë ndodh duhet të pyesni trajnerin dhe pjesën e stafit. Kaq shumë lojtarë cilësorç sa ka Kukësi, t’i mbledhësh të gjitha ekipet bashkë nuk janë. Përgjegjësia fillon nga trajneri, stafi, por edhe lojtarët për rezultatet e dobëta.

Klubi i ka plotësuar të gjitha kushtet, fazën përgatitore e bën jashtë vendit. Kemi investim të fuqishëm dhe e çuditshme që kemi këto rezultate të dobëta.Tani ka dy muaj që lojtarët janë bashkë me njëri-tjetrin. Nëse nuk janë lidh, nuk është faji im. Është faji i stafit që nuk janë lidhur me njëri-tjetrin. Justifikmet pastaj janë nga më të ndryshmet”, përfundoi Gjici.





Lajmet e fundit nga