web counter
LEXO PA REKLAMA!

SHKARKO APP

App Store
Google Play

E fundit!

x

Kriza energjike godet edhe futbollin/ Nga Gjermania vjen propozimi: Të luajmë midis majit dhe gushtit, jo në dimër…

5 Shtator 2022, 11:12, Sport CNA

Pushtimi rus i Ukrainës ka shkaktuar një rritje të çmimeve të energjisë, që nuk lë askënd indiferent, madje as botën e futbollit. Në një intervistë për ‘Berliner Zeitung’, Dirk Zingler, president i Union Berlinit, skuadër që luan në Bundesligë, ka bërë një propozim interesant, si një zgjidhje për t'iu kundërvënë kësaj situate.

“Le të shohim se si do të shkojë tani çmimet e energjisë. Por unë mendoj, se një gjë për të cilën duhet të fillojmë të mendojmë për të ardhmen, është të luajmë midis majit dhe gushtit dhe jo më në dimër. Në dimër keni nevojë për ndriçim më të hershëm, ngrohje, është gjithmonë shumë ftohtë në stadiume për të pirë birrë. Nëse parashikimet bëhen realitet, duhet të fillojmë të mendojmë për modelin e vendeve skandinave dhe të fillojmë të luajmë në verë”,- propozon ai.

Mos harroni se në vende si Norvegjia apo Suedia, ku nuk është praktikë që të luhet gjatë muajve të dimrit, kampionati zhvillohet gjatë një viti të vetëm kalendarik dhe zgjat nga pranvera në vjeshtë. Në pesë kampionatet kryesore europiane, madje edhe në shumë liga të tjera kontinentale, sezonet futbollistike fillojnë të luhen në gusht të një viti dhe zgjasin deri në maj të vitit pasardhës.





Lajmet e fundit nga