web counter
LEXO PA REKLAMA!

SHKARKO APP

App Store
Google Play

E fundit!

x

PSG-Juve, një sfidë që shkon përtej fushës, tension i lartë mes dy presidentëve!

5 Shtator 2022, 13:33, Sport CNA

Tension i lartë përpara ndeshjes PSG-Juventus. Jo vetëm në fushë, por edhe mes klubeve. Ndeshja e madhe e Champions League prezanton në fakt edhe një përballje në aspektin politik. Sipas protokollit të UEFA-s, Andrea Agnelli dhe Nasser Al-Khelaifi do të takohen ballë për ballë. Një takim shumë i tensionuar nisur nga e kaluara e lidhur me Super League-n, këndvështrimet e ndryshme për këtë çështje dhe akuzat përkatëse për tradhti. Sipas "L’Equipe", presidenti i Juventusit do të fajësonte PSG-në se ishte “informatori” i Ceferinit dhe se i kishte treguar detaje për Super Leaguen, ndërsa për Al-Khelaifin Agnelli do të ishte përpjekur të “vrasë Champions League me projektin e tij”.

Akuzat e kryqëzuara që konfirmojnë marrëdhëniet e tensionuara mes të dyve dhe se ndeshja e Champions League në Paris mund të shërbejë në njëfarë kuptimi për t'u sqaruar. Pas kaosit të Super League-s, në fakt, Agnelli dhe Nasser Al-Khelaifi ndërprenë marrëdhëniet. Një situatë që duhet trajtuar me kujdes në ngjarjet që do t'i paraprijnë ndeshjes së madhe PSG-Juve.

“Kur filluan thashethemet për Super League-n, Nasser, ashtu si Ceferin, i telefonoi disa herë Agnellit, por ky i fundit ia kishte mbyllur telefonin. Al-Khelaifi kështu zbuloi se Agnelli nuk kishte të drejtë dhe se ai kishte gënjyer.” Një “tradhti” e deritanishme e pafalur asnjëherë nga numri një i PSG. Sipas "L’Equipe", në fakt, në muajt e fundit Agnelli do të kishte tentuar të kontaktonte me Al-Khelaifin duke i dërguar një mesazh, por ai nuk do të kishte marrë asnjë përgjigje. Një përgjigje që ndoshta mund të vijë gjatë darkës së UEFA-s për ndeshjen e madhe mes dy klubeve. PSG-Juve është një sfidë që shkon përtej fushës.





Lajmet e fundit nga