web counter
LEXO PA REKLAMA!

SHKARKO APP

App Store
Google Play

Humbja me Kilin, Kodra: Të mos nxitohemi me kritikat, këta lojtarë na dërguan në Europian

23 Mars 2024, 15:55, Sport CNA

Humbja me Kilin, Kodra: Të mos nxitohemi me kritikat, këta

Drejtor i Komunikimit në FSHF, Fajton Kodra, thotë se nuk duhet të ketë nxitim për kritikat ndaj lojtarëve pas humbjes me Kilin.

Sipas tij, ishin të njëjtët futbollistë që na dërguan në Europian dhe një nga mbrojtjet më të mira në kualifikuese.

"Nuk duhet të nxitohemi për të nxjerre verdikte nga një ndeshje miqësore. Shqipëria kishte mbrojtjen shumë të mirë në kualifikuese. Ishin këta lojtarë që ndërtuan një nga mbrojtjet me të mira në Europian. Nëse një lojtar nuk është në formë të mirë, nuk duhet të hidhet poshtë ajo që ka bërë. E kemi problem ne si shqiptarë, dashuri-urrejtje. Nuk kemi një vijë të mesme. Çdo skuadër kalon një moment të keq dhe pastaj shpërthejmë në kritika. Ishin pikërisht këta lojtarë që na dërguan në Europian. Mendoj se miqësorja ishte shumë e rëndësishme për trajnerin Silvinjo.

Mendoj se Silvinjo i mori përgjigjet për lojtarët, jo vetëm në ndeshjen me Kilin, por edhe gjatë stërvitjeve. Nuk mund të vlerësohet një lojtar me aq minuta sa luajtën. Monitorimi i tyre, është një vëzhgim që nis nga grumbullimi dhe për të vazhduar te ndeshja. Mendoju se trajneri i ka marrë përgjigjet që donte. Kemi një miqësore tjetër me Suedinë, për të testuar lojtarët.

Nuk mund të flas për zgjedhjet taktike të trajnerit, por mund të themi se do të ketë ndryshime, siç ndodhi edhe me Kilin. Edhe përballja me Suedinë do të jetë e vështirë, por është mundësi e mirë që trajneri të provojë lojtarët.", tha Kodra në "MCN". 





Lajmet e fundit nga