web counter
LEXO PA REKLAMA!

SHKARKO APP

App Store
Google Play

E fundit!

x

Miqësoret/ Argjentina fiton me "tris", Kolumbia shtang Spanjën

23 Mars 2024, 13:06, Sport CNA

Miqësoret/ Argjentina fiton me "tris", Kolumbia shtang

Spanja pësoi një humbje surprizuese, teksa u mposht minimalisht në miqësore ndaj Kolumbisë.

Ashtu siç edhe pritej, iberikët ishin dominues në fillim me qarkullim topi, por pa raste të pastra shënimi.

Pjesa e parë u mbyll pa gola nga të dyja ekipet, ndërsa në të dytën rrugën e rrjetës e gjetën kolumbianët.

Në minutën e 61-të, ishte Munoz, i cili pas një asisti të marrë nga Luis Diaz, ia doli ta dërgojë topin në rrjetë.

Këtë avantazh, Kolumbia e ruajti deri në fund, për të marrë fitoren. Test i rëndësishëm për Spanjën, para Europianit të verës, me iberikët që ndodhen në grup me Shqipërinë, Italinë dhe Kroacinë.

Holanda nuk zhgënjeu ndaj Skocisë, sfidë të cilën e fituan me rezultatin e pastër 4 me 0. Festivali i golave u nis nga mesfushori i Milanit, Rejnders, që shënoi pas një asisti të marrë nga Gakpo.

Pjesa e dytë nuk kishte shumë histori, me tulipanët që realizuan edhe tri herë të tjera.

Vajnaldum shënoi të dytin në minutën e 72-të, pas një asisti tjetër të sulmuesit të Liverpool-it, Gakpo.

Dy golat e Weghorst-it në minutën e 84-t dhe Malen në minutën e 86-të vulosën fitoren 4-0 për Holandën, që konfirmon formën e mirë.

Fitore në miqësore regjistroi edhe Argjentina. Kampionët e botës mposhtën me rezultatin 3-0 në shtëpi kombëtaren e El Salvador. Romero zhbllokoi takimin në minutën e 16-të, pas asistit të Di Marias, ndërsa në fundin e pjesës së parë ishte Enzo Fernandez, që dyfishoi shifrat.

Në minutën e 52-të, Lo Celso shënoi sërish për Argjentinën, duke i dhënë goditjen përfundimtare kundërshtarit.

Hungaria vazhdon serinë e ndeshjeve pa humbje, teksa në miqësoren e fundit fitoi 1 me 0 ndaj Turqisë në shtëpi. Kjo është ndeshja e 13-të radhazi për hungarezët pa humbje dhe duken në një formë të jashtëzakonshme.

Maqedonia e Veriut, me 3 shqiptarë në formacion, nuk shkoi më shumë se barazimi 1-1 ndaj Moldavisë. 





Lajmet e fundit nga