E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fitorja e 11-të radhazi, Portugalia nuk di të ndalet

22 Mars 2024, 13:04, Sport CNA

Portugalia konfirmoi formën e shkëlqyer para Europianit, teksa mori një fitore spektakolare në miqësore. Luzitanët triumfuan pastër me rezultatin 5-2 ndaj Suedisë në shtëpi.

Kjo është fitorja e 11-të radhazi për skuadrën e Robero Martinez, që shihet si një nga kandidatet kryesore për të fituar Europianin në verë.

Spektakli i Portugalisë, filloi në minutën e 24-t, kur ylli i Milanit, Rafael Leao zhbllokoi sfidën.

9 minuta më vonë, ishte Nunes që dyfishoi shifrat, ndërsa në fundin e pjesës së parë, Bruno Fernandes shënoi golin e tretë. Ashtu si pjesa e parë, edhe e dyta nisi me vendasit në sulm, dhe në minutën e 57-të, ishte Bruma, i cili i futur nga stoli, shënoi golin e katërt. Goli i pestë dhe i fundit për portugezët, u shënua nga Gonzalo Ramos në minutën e 61. Dy golat e miqve, u shënuan nga Giokeres në minutën e 58-të dhe Nilson në minutën e 90-të.

Më 25 mars, Suedia do të ketë një tjetër miqësore, këtë herë me Shqipërinë, sfidë e cila do të luhet në Stokholm.

Fitore në miqësore regjistroi edhe Italia, që mposhti me rezultatin 2-1 Venezuelën. Heroi i axurëve, ishte Retegui, me sulmuesin që realizoi dopietë golash.

Ndeshja nisi me venezuelianët më kërkues, që kishin mundësinë e artë në minutën e 3-të, por penalltia e Rodon u prit nga Donaruma.

Sfida u zhbllokua në minutën e 40-të, kur Retegui, pas një asisti të marrë nga Cambiaso, ia doli të shënojë. Miqtë reaguan shpejt dhe barazuan sfidën 3 minuta më vonë, me autor Makis.

Për të parë golin e fitores, duhej pritur minuta e 80-të, kur sulmuesi i Xhenoas, ia doli të shënojë të dytin pas një asisti të marrë nga Jorginho. Më 24 mars, Italia do të luajë edhe një tjetër miqësore, këtë herë ndaj Ekuadorit.

Rusia u rikthye të luajë miqësore me lejen e UEFA-s, pas përjashtimit dyvjeçar. Në ndeshjen e zhvilluar në Moskë, rusët u shfaqën të uritur, teksa shkatërruan me shifrat e thella 4-0 Serbinë.