web counter
LEXO PA REKLAMA!

SHKARKO APP

App Store
Google Play

E fundit!

x

Mitaj drejt Juventus-it, Reja: Lojtar i përsosur, e lexon mirë lojën

22 Mars 2024, 12:58, Sport CNA

Mitaj drejt Juventus-it, Reja: Lojtar i përsosur, e lexon mirë

Mario Mitaj mund të transferohet te Juventus-i në verë dhe kjo nuk është më një surprizë.

Skautët e klubit bardhezi kanë në radarët e tyre mbrojtësin e Shqipërisë, të cilin do ta ndjekin afër edhe në miqësoren me Kilin në Parma.

Mitaj pëlqehet shumë për krahun e majtë të mbrojtjes dhe shihet si alternativa e duhur për Juventus-in.

“Zonja e Vjetër” e ndjek prej kohësh 21-vjeçarin, teksa kjo u konfirmua edhe nga gazeta pranë klubit, "Tuttosport".

Në lidhje me Mitajn, media italiane ka kontaktuar së fundmi, edhe me ish-trajnerin e Shqipërisë, Edi Reja, i cili i besoi debutimin me Kombëtaren A.

Reja foli me superlativa për Mitajn, për të cilin tha se është me personalitet dhe lexon lojën shumë mirë.

"Luan me këmbën e majtë dhe është i përsosur në një mbrojtje me katër, me një mesfushë dhe sulm me tre lojtarë. Mitaj zë pozicionin mirë, i kupton situatat. Është i përsosur në skemën 4-3-3, dhe bën lexime parandaluese.

Është një djalë me cilësi të mëdha. Jashtë fushës ai nuk është kurrë jashtë kornizës, madje dikush mund ta përkufizojë si të turpshëm. Por, në fushë tregon një personalitet të madh, sigurisht më të lartë se çfarë do të prisnit për dikë të moshës së tij. E tregon veten dhe nuk ka frikë të marrë përgjegjësi në ndeshjet e tij.", tha Reja. 

Aktualisht Mitaj është pjesë e Lokomotivës së Moskës në Rusi, aty ku u transferua dy vite me parë nga grekët e AEK-ut.





Lajmet e fundit nga