web counter
LEXO PA REKLAMA!

SHKARKO APP

App Store
Google Play

Broja titullar, si pritet të luajë Shqipëria ndaj Kilit

22 Mars 2024, 10:40, Sport CNA

Broja titullar, si pritet të luajë Shqipëria ndaj Kilit

Shqipëria sfidon sot Kilin në miqësoren e parë për vitin 2024. Ndeshja do të luhet në stadiumin “Enio Tardini” në Parma të Italisë dhe trajneri Silvinjo u ka dhënë dorën e fundit stërvitjeve.

Sa i përket formacionit, në mungesë të Berishës, në portë pritet të luajë Strakosha, ndërsa para tij, e sigurt është prezenca e Gjimshitit, Hysajt dhe Mitajt. Dilema e vetme është për qendërmbrojtësin që do të shoqërojë Gjimshitin, për shkak të mungesës së Ismajlit. Gjasat më të mëdha janë që në mbrojtje të luajë Mihaj, i cili po kalon një formë të shkëlqyer këtë sezon.

Nuk ka ndryshime as në digën para mbrojtjes, me Ramadanin dhe Asllanin që do të jenë titullarë. Në sulm pritet Armando Broja, ndërsa treshja pas tij, në skemën 4-2-3-1, me shumë mundësi do të jetë Seferi në të majtë, Asani në të djathtë dhe Bajrami në rolin e fanatazistit.

Në pjesën e dytë, Silvinjo do të ndryshojë tërësisht formacionin, për t’i dhënë më shumë minuta edhe lojtarëve të tjerë të grumbulluar, në mënyrë që t’i ndjekë nga afër dhe të shikojë formën e tyre.





Lajmet e fundit nga