web counter
LEXO PA REKLAMA!

SHKARKO APP

App Store
Google Play

E fundit!

x

Laporta dëshiron trajnerin Xavi edhe për sezonin e ardhshëm

23 Mars 2024, 13:12, Sport CNA

Laporta dëshiron trajnerin Xavi edhe për sezonin e ardhshëm

Ndonëse trajneri Xavi Hernandez deklaroi se do të largohet në fund të sezonit, te Barcelona shpesojnë ta kenë edhe për vitin e ardhshëm.

Në lidhje me këtë foli edhe vetë presideti i katalanasve, Joan Laporta, ku u pyet edhe për alternativat që janë përfolur te Barcelona për stolin.

“Më pëlqen Luis Enrique, ai është shumë i zoti, por ne nuk kemi folur me të apo me ndonjë trajner tjetër pasi respektojmë Xavi-n. Unë jam mik i mirë me agjentët Zahavi dhe Mendes. Ata janë agjentë që i njoh prej kohësh. Por unë u kam thënë të mos këmbëngulin sepse ne do të jemi me Xavi-n deri në fund të sezonit. Nëse Xavi dëshiron që të ikë, ata që duan të vijnë te Barça do të duhet që të presin”, tha Laporta.

Te Barcelona do të tentojnë ta bindin trajnerin Xavi për të qëndruar, pasi besojnë se me të do të vijnë edhe suksese të mëdha. Sa u përket alternativave për stolin, si pasues të trajnerit Xavi te Barcelona, janë përfolur emra si Flick, Luis Enrique, De Zerbi, Klopp dhe Nagelsmann.

Momentalisht "blaugranat" janë të përqendruar në arritjen e objektivave. Barcelona siguroi kualifikimin në çerekfinalen e Ligës së Kampioneve, aty ku shorti i vendosi përballë PSG-së dhe synojnë të shkojnë sa më larg në këtë kompeticion.

Në kampionat, skuadra e Xavi-t mban vendin e dytë në renditje me 64 pikë, 12 pikë më pak se Real Madrid-i kryesues, me çështjen e titullit që duket e mundur.





Lajmet e fundit nga