E fundit!

17:04 Aktualitet

"Ka lënë gjurmë shumë të bukura në këngën tonë"/ Bashkim Alibali dhe Zhani Ciko, vlerësime për karrierën e Bleona Qeretit

Festivali i Pranverës është rikthyer, pas një mungesë shum...

Flet Valduci i bordit të Skënderbeut/ Takaj ka reflektuar, do ia dalim

27 Prill 2025, 12:47, Sport CNA

Ish-drejtori i bordit drejtues të klubit Skënderbeu, Adriano Valduci, në një intervistë ekskluzive për CNA, deklaroi se presidenti i korçarëve, Ardjan Takaj ka reflektuar ndaj kritikave të tij.

Sipas Valducit edhe Takaj është i dashuruar me ekipin bardhekuq, ndërsa shton se skema e dhënë prej tij, është ajo fituesja.

Në fund, Valduci kishte edhe një këshillë për drejtuesit.

Z. Valduci, a ka një reflektim real nga presidenti Takaj pas kritikave tuaja të ashpra në bord?

Faleminderit shumë për pyetjen. Ju e dini që unë jetoj me Skënderbeun dhe kam dhënë maksimumin për atë ekip. Duhet nënvizuar që edhe presidenti Takaj është po aq i dashuruar me atë ekip. Kritikat e mia para disa kohësh kanë qenë për të mirën e ekipit dhe, pas tyre, ekipi ka reaguar shumë mirë. Unë kam diskutuar disa herë me Takajn dhe kemi rënë dakord që skema ime në fushë, 4-4-3, është ajo fituese. Këtë skemë do të përdor edhe sot kundër Ballshit. Në fakt, Ballshin mund ta mundim edhe me skemën 4-3-2. Kam besim të plotë sot te ekipi dhe presidenti Takaj.

Si e nxorët U-19 kampion?

U-19 është si “La Masia”. Në fakt, është shembulli që tregon se si një ekip zbaton vendimet e bordit. Ju uroj shumë sukses në Champions League.

Më në fund u gjet dosja nga Raqka. E kishin fshehur?

Tani, dosja aty ka qenë. Besoj që nuk e ka fshehur njeri, por është neglizhuar. Ja shikoni U-19, ka zbatuar vendimet që ishin në atë dosje. Nuk besoj që Raqka ia ka dhënë vetëm U-19. Ose është bërë me qëllim, për të parë nëse është efikase skema ime.

Çfarë këshille dhe parashikimi keni?

Këshilla ime është që drejtuesit duhet të zbatojnë vendimet e bordit gjithmonë dhe jo t’i lënë vendimet në sirtar.

Parashikimi im është që “Ujqërit e Dëborës” sot do të mbushin plot stadiumin dhe ekipi do t’i bëjë krenar ata, qytetin dhe natyrisht edhe ne, me në krye presidentin Takaj.