E fundit!

17:04 Aktualitet

"Ka lënë gjurmë shumë të bukura në këngën tonë"/ Bashkim Alibali dhe Zhani Ciko, vlerësime për karrierën e Bleona Qeretit

Festivali i Pranverës është rikthyer, pas një mungesë shum...

Dita vendimtare! Sot vendosen fatet e sezonit në Superiore, 5 ndeshjet që do të luhen

27 Prill 2025, 07:25, Sport CNA

Dita vendimtare! Sot vendosen fatet e sezonit në Superiore, 5 ndeshjet

Java e 36-të dhe e fundit në Superiore, do të japë verdiktet përfundimtare për shumicën e skuadrave në kampionat, të cilat luftojnë gjithçka për gjithçka.

Janë vetëm 90 minuta që do të përcaktojnë jo vetëm kampionin dhe ekipet e Final 4, por edhe skuadrat që do të bien në Kategorinë e Parë.

Asnjëherë më parë nuk ka pasur një situatë kaq të ndezur në të gjitha nivelet e klasifikimit. Lufta për një vend në Final 4 është e hapur, ndërsa makthi i rënies ka përfshirë katër skuadra të mëdha: Tiranën, Bylisin, Skënderbeun dhe Laçin. Çdo gol, çdo pikë, çdo minutë do të jetë vendimtare për të ardhmen e klubeve dhe të gjithë Superiores.

Në vëmendje është edhe zona Final 4, aty ku një biletë mbetet ende e lirë për sfidën ndaj Partizanit dhe Elbasanit në “finalen” e madhe.

Por drama më e madhe ndoshta ndodhet në fund të tabelës. Tirana përballet me Dinamon në një derbi dramatik, ku fitorja është jetike për të siguruar të paktën vendin në "play out".

Bardheblutë e trajnerit Bledi Shkëmbi e kanë fatin në duart e tyre, pasi me tre pikë nuk kanë nevojë të shohin rezultatet e rivalëve.

Laçi, Skënderbeu dhe Bylisi gjithashtu janë në ankth. Laçi përballet me Vllazninë në një ndeshje ku vetëm fitorja i mban në lojë. Skënderbeu dhe Bylisi, për ironi të fatit, përballen kokë më kokë në Korçë në një sfidë direkte për mbijetesë.

Fitorja për Skënderbeun do të thotë shpëtim i menjëhershëm, ndërsa Bylisi mund të shpëtojë edhe me një barazim, në varësi të rezultateve të tjera.

Nëse Bylisi humbet, atëherë mbijetesa e tyre do të varet nga ndeshjet e Laçit dhe Tiranës. Ndërkohë, kurbinasit kanë skenarin më të vështirë: për të shpresuar në mbijetesë duhet të mposhtin Vllazninë dhe të shpresojnë që Skënderbeu të mos fitojë ndaj Bylisit, ndërsa Tirana të barazojë ose humbasë ndaj Dinamos.

Çdo llogari është e ndërlikuar, çdo mundësi është e hapur në këtë fund kampionati. Të gjitha ndeshjet janë planifikuar të luhen këtë të diel, duke nisur nga ora 15:30.

Dita vendimtare! Sot vendosen fatet e sezonit në Superiore, 5 ndeshjet