web counter
LEXO PA REKLAMA!

SHKARKO APP

App Store
Google Play

Gati oferta, ja ku pritet të luajë Kumbulla sezonin e ardhshëm

26 Prill 2025, 21:10, Sport CNA

Gati oferta, ja ku pritet të luajë Kumbulla sezonin e ardhshëm

Marash Kumbulla, i huazuar nga Roma tek Espanyol, ka pasur një sezon pozitiv në La Liga, duke u kthyer menjëherë në një element të rëndësishëm për ekipin spanjoll. Gjatë këtij sezoni, Kumbulla ka luajtur në 33 ndeshje dhe ka shënuar tre gola, një arritje e rëndësishme për një qendërmbrojtës. Performanca e tij e qëndrueshme është reflektuar edhe në vlerësimet statistikore, ku ai renditet ndër futbollistët me notat më të larta në skuadrën katalanase.

Si rezultat i paraqitjeve të tij, Espanyol ka shprehur interes për ta blerë përfundimisht kartonin e tij. Marrëveshja aktuale e huazimit parashikon një opsion blerjeje prej 4.5 milionë eurosh, megjithatë vlera aktuale e tregut për lojtarin është rritur, duke arritur në 6 milionë euro, sipas të dhënave të “Transfermarkt”.

Për këtë arsye, bisedimet mes Espanyol dhe Romës pritet të nisin pas përfundimit të sezonit, me qëllim arritjen e një marrëveshjeje përfundimtare. Ndërkohë, Roma po ndjek me vëmendje progresin e mbrojtësit dhe nuk përjashtohet mundësia që klubi italian të vendosë ta rikthejë Kumbullën në skuadër, duke marrë parasysh zhvillimet e fundit dhe rritjen e tij në nivel sportiv.





Lajmet e fundit nga