web counter
LEXO PA REKLAMA!

SHKARKO APP

App Store
Google Play

Ndaj Dinamos luhet sezoni, Shkëmbi: Shpresoj të kemi fatin me vete

26 Prill 2025, 13:38, Sport CNA

Ndaj Dinamos luhet sezoni, Shkëmbi: Shpresoj të kemi fatin me vete

Tirana do të luajë ndeshjen më të rëndësishme të sezonit në javën e fundit, siç është derbi ndaj Tiranës.

Në prag të kësaj përballjeje, tekniku i bardhebluve, Bledi Shkëmbi, deklaroi se presioni është i madh dhe gjendja psikologjike nuk është aspak e mirë.

Sipas tij, ekipi duhet të bëjë maksimumin dhe synon të ketë fatin me vete.

“Vijmë pas një humbjeje, ana psikologjike nuk është ajo më e mira, edhe pse jemi munduar që të flasim gjatë gjithë javës. Vijmë nga një ndeshje që nuk e meritonim ta humbnim, por për fat të keq e humbëm dhe jemi para një fakti që kemi një finale dhe shpresoj shumë që të bëjmë më të mirën dhe të marrim 3 pikët. Nuk vijmë në më të mirën e mundshme, vijmë nga disa mungesa, vuajmë dëmtime dhe shpresoj që nesër të rikuperojmë sa më shumë që të jetë e mundur.

Unë mendoj që janë të gjitha, kemi presion dhe mendojmë që çfarë duhet të bëjmë për ta fituar këtë ndeshje dhe për t'u qetësuar sadopak, e thashë që nuk ka më kohë, asnjë mundësi rikuperimi, e thashë që duhet të bëjmë maksimumin tonë dhe shpresoj të kemi fatin me vete nesër. Kundërshtari ka folur në fushë çdo javë, e vlerësojmë maksimalisht, po kalon një moment të mirë, Dinamo është një skuadër që ne para një muaji kemi bërë një humbje 4-1 dhe mendoj që nuk e meritonim se në një pjesë të madhe, kemi bërë një ndeshje goxha të mirë, por nuk duhet të shikojmë kundërshtarin, por veten. Kemi bërë ndeshje të mira, por i kemi humbur vetë, për fajin tonë dhe shpresoj që nesër të mos bëjmë gabime dhe të kemi edhe fat.

Nuk më pëlqen të jemi në reparte të ndara, do të doja që Tirana nesër të përsërisë ato 60-70 minuta që ka luajtur me Teutën dhe mendoj që nëse luajmë në atë mënyrë dhe do të kemi ato raste për të shënuar, patjetër do të shënojmë, të kemi fatin për të shënuar dhe jo si me Teutën”, shprehet Shkëmbi.





Lajmet e fundit nga