web counter
LEXO PA REKLAMA!

SHKARKO APP

App Store
Google Play

E fundit!

x

EKSKLUZIVE/ Ka “kyçur” portën e Skënderbeut në 14 ndeshje, Ruçi: Ju tregoj si na transformoi Gvozdenoviç

26 Prill 2023, 14:30, Sport CNA
EKSKLUZIVE/ Ka “kyçur” portën e Skënderbeut në
Shkëlzen Ruçi, portieri i Skënderbeut

Portieri Shkëlzen Ruçi ka qenë padyshim një nga liderat e Skënderbeut këtë sezon, duke udhëhequr skuadrën korçare drejt rikthimit në elitën e futbollit shqiptar. Gardiani nga qyteti i Elbasanit, ka mbajtur portën e paprekur në plot 14 ndeshje, duke u shndërruar një një garanci për portën e Skënderbeut.

Në një intervistë eksklizive për “CNA”, Ruçi tregon se si “Ujqërit e Dëborës”, pas një starti jo fort pozitiv, arritën të reagonin mjaft mirë nën drejtimin e trajnerit Gvozdenoviç, duke realizuar me sukses objektivin.

Keni qene titulllar i padiskutuar i Skënderbeut dhe e keni mbajtur portën në 14 ndeshje të paprekur, cili është sekreti i formës tuaj?

Në futboll nuk mendoj se ka një sekret specific, duhet të stërvitesh me pasion dhe deshirë të madhe, edhe si pasojë e punës vjen dhe rezultati, por meritë të madhe kanë edhe djemtë. Duke qenë ekipi shumë i mirë, duke bërë të gjithë punën, e mira del në pah. Pra mendoj që është një sukses kolektiv.

Kush ishte momenti i kthesës së madhe, që besuat realisht që do të ngiteshit në Superiore?

Momenti kthesës mendoj është kur filluam fazën e dytë. Fituam ndeshje pas ndeshje hymë në rritëm edhe e kuptuam që do ja dilnim ta realizonim objektivin.

Çfarë ndryshoi trajneri Gvozdenoviç që skuadra nisi të funksiononte më së miri?

Gvozdenoviç që në momentin e parë që u bë pjesë e grupit na ofroi qetësi, na hoqi presionin na motivoi na respektoi, gjë e cila na çoi këtu ku jemi sot. Fal profesionalizmit të tij realizuam objektivin.

EKSKLUZIVE/ Ka “kyçur” portën e Skënderbeut në

A ka Ruçi një ndeshje special që do ta veçonte si ndër më të spikaturat për sa i përket paraqitjes personale?

Të them të drejtën çdo ndeshje ka qenë e veshtirë. Në të gjitha ndeshjet e këtij viti kam qenë konstat, kjo vjen dhe falë eksperiencës që portieri fiton ndër vite kështu që të gjitha ndeshjet kanë qenë speciale për mua.

Si një lider i kësaj skuadre, mendoni se Skënderbeu e ka kontigjentin e duhur për ta përballuar Superioren me këta lojtarë?

Skënderbeu ka lojtarë për ta perballuar mësë miri Superligën. Janë lojtarë që kanë qenë në Superligë për vite edhe u kthyhen të ndihmojnë Skënderbeun, kështu që me disa nderhyrje të vogla e përballon pa problem elitën.

EKSKLUZIVE/ Ka “kyçur” portën e Skënderbeut në

Cilat janë planet për të ardhmen? A keni marrë oferta nga skuadrat e tjera, apo do të vazhdoni të jeni pjesë e Skënderbeut?

Plane akoma s’kam, jam përqenduar ta shpall Skënderbeun automatikisht kampion edhe pastaj do mendoj për të ardhmen. Kontrata ime mbaron në fund të sezonit pastaj do të vendos për të ardhmen time. /CNA.AL





Lajmet e fundit nga