E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

“Mesi e meriton ta mbyllë karrierën tek Barcelona”, Ivan Balliu: Mund të isha pjesë e klubit katalanas, por...

26 Prill 2023, 09:08, Sport CNA

“Mesi e meriton ta mbyllë karrierën tek Barcelona”, Ivan

Rajo Vajekano do të përballet sonte në mbrëmje me Barcelonën dhe në prag të kësaj sfide një pjesë të diskutimeve e ka zënë çështja e madhësisë së fushës në Vajekas.

Trajneri i Barcelonës, Ksavi Hernandez, ka komentuar sërish për çështjet e fushave, duke u ankuar këtë herë për madhësinë e fushës në stadiumin ku luan ndeshjet e veta Rajo Vajekano. Në fakt nuk është vetëm Ksavi ai që është ankuar për këtë stadium. Por, këtë herë përgjigjen ai e ka marrë nga një katalanas që luan për Vajekanon. Bëhet fjalë për mbrojtësin e kombëtares kuqezi, Ivan Balliu. Ai ka dhënë një intervistë për gazetën “Sport”, duke “qetësuar” trajnerin e Barcelonës.

“Mendoj se fusha e stadiumit tonë është perfekte, ne stërvitemi në stadium vetëm një ditë para ndeshjes. Bari i Vejekasit është gjithmonë në kushte optimale, nuk do të ketë asnjë problem “, deklaroi Balliu para se t’i referohej më tej polemikave të tjera të ndezura nga Ksavi në lidhje me oraret e ndeshjeve në La Liga. “Këtu jam me Ksavin, kur luan në një orar si ai 16:00 apo 18:00 ndikon shumë. Është gati e pamundur të luash me diellin në sy”.

EUROPA – “Nuk është objektivi ynë. Ajo që mund t’iu them është se ne për momentin më shumë shohim poshtë nesh se ata që janë mbi ne. Kur të sigurojmë mbijetesën mund të mendojmë për tjetër gjë”.

KRITIKA PËR BARÇËN – “Është një klub kërkues, por Ksavi po bën një punë spektakolare. Mori një skuadër që ishte në probleme serioze, por falë punës së tij arriti ta ringrejë dhe tani janë fare pranë titullit në La Liga”.

MESI – “Unë mendoj se ai e meriton ta mbyllë karrierën te Barça. Do të jetë i mirëseardhur. Ka shumë lojtarë të rinj te Barça që mund të vrapojnë për të”.

SHANSI PËR TE BARCELONA – “Ka qenë një mundësi vërtet, por asokohe atje ishte Dani Alvesh. Megjithatë nuk kam pishmane, jo gjithçka përfundon te Barça”.