web counter
LEXO PA REKLAMA!

SHKARKO APP

App Store
Google Play

Gvozdenoviç bën tifozët të ëndërrojnë: Skënderbeu ka një projekt të madh për sezonin e ardhshëm

25 Prill 2023, 18:09, Sport CNA

Gvozdenoviç bën tifozët të ëndërrojnë:

Pas vetëm një sezoni në Kategorinë e Parë, Skënderbeu do të rikthehet në Superiore, pasi e siguroi matematikisht dy javë nga fundi, pas fitores 4-0 në Cërrik ndaj Turbinës.

Një meritë të padiskutueshme për këtë sukses ka edhe trajneri serb Ivan Gvozdenovic, i cili pasi u shpall 3 herë kampion si futbollist në elitën e futbollit shqiptar, tani është vetëm një fitore larg titullit si trajner në Kategorinë e Parë.

Në një intervistë për News 24, Gvozdenovic, pohoi se ka patur jo pak presion, pasi Skënderbeu është një emër i madh i futbollit shqiptar, por ia doli.

"Për ne ishte moment shumë i vështirë, sepse Skënderbeu është klub i madh, me emër të madh jo vetëm ne Shqipëri, por edhe në Europë edhe jemi për Superligë. Ishte presion i madh, shumë vështirë, por të gjithë bashkë ia dolëm dhe jemi në vendin ku e meritojmë.

Akoma nuk kam biseduar për kontratën, nuk kemi mbaruar akoma, kemi dhe dy javë, kemi kohë, por do të ulemi në tavolinë dhe do të flasim bashkë. Jam shumë pozitiv.

Me sa di unë, nga klubi ka një projekt shumë të madh dhe shumë serioz për sezonin e ardhshëm.

Për dënimin e UEFA-s nuk di asgjë, sepse është punë e klubit, por për pjesën tjetër mendoj se jemi në Superligë, jemi klub i madh, do luftojmë përsëri për ta rikëthyer Skënderbeun në majë.

Unë jam shumë i lumtur dhe i emocionuar, sepse unë kam qenë edhe një lojtar i Skënderbeut, u shpalla 3 herë kampion. Kur erdha këtu ishte moment i vështirë, kishin humbur besimin lojtarët, ishim si në gjumë, por javë pas jave ishim më mirë dhe tani jam shumë i lumtur. Unë e di si është Skënderbeu, e dinë tifozët, e dinë të gjithë tani, jam shumë i lumtur dhe i qetë. Nga këto 14 javë tani jam shumë i qetë, sepse ishte presion shumë i madh.", u shpreh trajneri i Skenderbeut. 





Lajmet e fundit nga