E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Pikët e kthyera nuk i mjaftojnë Juventusit, bardhezinjtë rrezikojnë të përjashtohen nga Europa

25 Prill 2023, 14:23, Sport CNA

Edhe pse pikët i janë kthyer përkohësisht deri në një vendim të dytë, Juventusi përsëri rrezikon të përjashtohet nga Europa.

Kjo është ajo që raporton “La Gazzetta dello Sport”, e cila ka publikuar skenarët e mundshëm që priten të ndodhin me “Zonjën”.

Nëse Juvja nuk kualifikohet – Nëse skuadra e Masimiliano Alegrit dështon që të fitojë një trofe këtë sezon, atëherë UEFA nuk do të nxitojë dhe mund të presë vendimin e dytë të gjykatës italiane. Kjo gjithashtu do të ndodhë edhe nëse Juventusi do të qëndrojë jashtë shtatë vendeve të para.

Nëse Juvja kualifikohet – Çdo gjë do të ndryshojë nëse Juventusi kualifikohet për një nga tri kompeticionet europiane, pasi UEFA duhet të përcaktojë listën me skuadrat që do të regjistrohen në Champions, Ligën e Europës dhe Ligën e Konferencës. Praktikisht e pamundur të pritet deri në 10 qershor, dita e finales së Champions-it në Stamboll. Atëherë gjyqi do të jetë mbyllur dhe në këtë rast UEFA mund t’i japë dhe dy muaj më tepër Italisë, por jo më shumë, pasi në gusht një skuadër italiane duhet të luajë patjetër në fazën kualifikuese të Ligës së Konferencës.

Kohë e gjatë për të zgjedhur panelin e “Fair Play” – UEFA prej kohësh po kryen një tjetër hetim paralel me atë të Italisë dhe prej kohësh ka marrë dokumentet nga Prokuroria Publike e Torinos. Shpresa e vetme e organit europian është që vendimi i Italisë mund të arrijë deri në fund të qershorit dhe një marrëveshje për pranimin e fajësisë mund t’i shpejtonte gjërat. Nëse drejtësia italiane ecën ngadalë, atëherë do të vendosë komisioni i “Fair Play”-it të UEFA-s.

Kontabiliteti i rremë – Muajt e fundit Juventusi ka negociuar për "Fair Play" sepse është jashtë parametrave. Nëse hetimi do të provonte se shifrat e komunikuara janë të rreme, marrëveshja e pranimit të fajësisë nuk do të ishte aprovuar dhe për këtë arsye do të ishte e pamundur t’i shpëtonte dënimit. Fantazma e një pezullimi afrohet duke nisur nga kompeticioni i parë për të cilin Juventusi do të kualifikohej.