web counter
LEXO PA REKLAMA!

SHKARKO APP

App Store
Google Play

Nga milanezët tek Ajaksi e Liverpuli, “big”-ët rrezikojnë Champions-in

25 Prill 2023, 23:01, Sport CNA

Nga milanezët tek Ajaksi e Liverpuli, “big”-ët

Sezonit 2022-2023 i vjen fundi pas rreth një muaji e gjysmë dhe që tani ka nisur përllogaritja për emrat e skuadrave që do të jenë në edicionin e ardhshëm të Champions League. Një edicion, i cili rrezikon të mbetet pa shumë prej emrave të njohur të kontinentit, si pasojë e renditjes së tyre jashtë zonës që të dërgon në turneun më të rëndësishëm të klubeve në Europë.

Padyshim që dy nga emrat më të rëndësishëm vijnë nga Seria A, aty ku Milani dhe Interi, 7 javë nga fundi i sezonit, pozicionohen jashtë katër vendeve të para, ashtu si Atalanta. Një pjesë e elitës mund të ngelet jashtë edhe në Angli, pasi në renditjen aktuale të Premier Ligës, e cila do të jetë në fushë edhe 6 javë të tjera, Liverpuli, Totenhemi e Çelsi janë larg zonës së kualifikimit për në Champions League.

Aspak komode edhe situata e Lajpcigut, Bajer Leverkusenit dhe Eintraht Frankfurtit, që me pesë javë për t’u luajtur në Bundesligë janë momentalisht larg pjesëmarrjes në Champions. Real Betisi e Vijarreali mund të jenë mungesat e mëdha të La Ligës (8 javë deri në fund) në edicionin e ardhshëm të kompeticionit europian, ashtu si Lilë dhe Lion në Ligën e Parë franceze që renditen jashtë zonës “Champions” 6 javë nga fundi i kampionatit.

Një nga çuditë më të mëdha të listës është emri i holandezëve të Ajaksit, që bashkë me AZ Alkamarin e shohin veten larg pjesëmarrjes me vetëm katër javë kampionat të mbetura. Beshiktashi në Turqi dhe Sportingu i Lisbonës në Portugali, janë emrat e tjerë të mëdhenj që rrezikojnë të ngelen jashtë elitës europiane sezonin e ardhshëm.





Lajmet e fundit nga