web counter
LEXO PA REKLAMA!

SHKARKO APP

App Store
Google Play

E vërteta rreth Contes dhe aventurës tek Tottenham, italiani nuk u shkarkua

26 Prill 2023, 13:22, Sport CNA

E vërteta rreth Contes dhe aventurës tek Tottenham, italiani nuk u

Para disa ditëve, klubi i Tottenham mbylli bashkëpunimin me trajnerin Antonio Conte. Pritshmëritë e londinezëve për këtë sezon ishin të larta, por fusha tregoi se Spurs-at nuk ishin ende në nivelin për të konkurruar për trofetë e rëndësishëm në Angli dhe Europë.

Ai që e pësoi ishte pikërisht tekniku italian i cili në më shumë se një rast nëpërmjet konferencave për shtyp theksonte se në klub mungonte mentaliteti i kampionit. Por, sipas The Sun, e vërteta në lidhje me Conten është ndryshe nga sa ishte paraqitur deri më tani.

Pavarësisht, ndasisë së ideve, presidenti Daniel Levy i kërkoi Contes të qëndronte në krye të skuadrës të paktën deri në fundin e sezonit. Mirëpo, pas përplasjeve me lojtarët dhe disa pjesëtarë të stafit, Conte refuzoi dhe nuk pranoi të rikthehej në Londër duke qenë se atë periudhë ishte në Itali. Presidenti Levy e kuptoi se me largimin e Contes, situata do të përkqësohej, ashtu siç edhe ndodhi.

Por, në fund ishte Conte që vendosi “veton” dhe nuk pranoi të vijonte detyrën tek Tottenham. Tashmë, ai që e pasoi Conten te Tottenham, Christian Stellini u shkarkua së fundmi pasi ekipi u mposht me shifrat 6-1 nga Newcastle. Aktualisht, skuadra është në “duart” e një tjetër pjesëtari të stafit, Ryan Mason. Ndërkohë, drejtuesit mbeten në kërkim të një “timonieri” për sezonin pasardhës ku i preferuari është Julian Nagelsmann.





Lajmet e fundit nga