web counter
LEXO PA REKLAMA!

SHKARKO APP

App Store
Google Play

E fundit!

x

E trishtë/ Gjendet një futbollist mes mbi 50 viktimave të aksidentit të trenave në Greqi, por familja nuk e dinte

2 Mars 2023, 15:56, Sport CNA

E trishtë/ Gjendet një futbollist mes mbi 50 viktimave të

Futbollisti i ri grek, Jordanis Adamakis (22), vdiq në një aksident të tmerrshëm trafiku kur dy trena u përplasën në Greqi. Amadakis ishte në linjën Athinë-Selanik në ditën fatale dhe sipas mediave greke, familja e tij nuk e dinte që ai ishte në trenin e vdekjes në momentin e aksidentit.

Jordanis Adamakis e filloi karrierën e tij në Vrasida Neos Peram, gjatë sezonit 2019/20 luajti për AOK-un, nga ku u transferua te Nestos, dhe më pas u kthye në klubin e tij të mëparshëm.

Ai mbrojti shkurtimisht ngjyrat e Rodosit, nga i cili u nis për në Thesprotos, me të cilin u nda në janar të këtij viti. 

Kujtojmë se në përplasjen e një treni mallrash dhe një treni të shpejtë në Greqi, në hekurudhën midis Athinës dhe Selanikut, kanë humbur jetën mbi 50 persona dhe të paktën 85 janë lënduar, njoftuan zyrtarët.

Sipas informacioneve të tyre, disa vagona kanë dalë nga shinat në luginën e malit Tembi, pranë qytetit të Larisës dhe të paktën tre vagona kanë marrë flakë. Për momentin nuk dihet shkaku i mundshëm i përplasjes Policia po merr në pyetje dy persona, por ata nuk janë ndaluar.





Lajmet e fundit nga