E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Nagelsman merr vendimin ekstrem pas sjelljeve të tepërta, e pësojnë lojtarët

2 Mars 2023, 12:59, Sport CNA

Mbajta e qëndrimeve kundërshtuese ndaj klubit, deklarata pa autorizim, model sjellje të gabuara, fjalor i tepruar janë disa nga çështjet që kanë ndodhur me protagonist lojtarët e Bajernit, përfshirë edhe trajnerin Nagelsman.

Bordi i tyre ka vendosur të përpilojë një listë me masa ndëshkimore ndaj sjelljeve të gabuara, të cilat do ta kenë faturën mes 1.000-3.000 euro për çdokënd që devijon nga rregullorja e përcaktur.

Kjo formë është miratur nga Salihamixhiç-Kahn-Nagelsman, të cilët mund të jenë edhe vetë viktima nëse abuzojnë në dëm të kolektivit. E gjithë kjo skemë ka si synim fokusin tek objektivat.

Julian Nagelsman njihet gjerësisht si një pasionant i madh i planeve taktike deri në detaj. Pikërisht ky aspekt ndikoi edhe në fjalimin plot mjalt të Skalones së fundmi mbi teknikat e stërvitjes nga ana e trajnerit gjerman.

Triumfi me shifrat e pastra ndaj Unionit bëri që kritikat dhe qëndrimet negative të analistëve të hidheshin në kosh, pasi ekipi i Bajernit demonstroi forcë të jashtëzakonshme në çdo repart, aq sa të “detyronte” Urs Fisherin të pohonte se skuadra e tij nuk kishte asnjë shans përballë armatës bavareze.

Raporti i prezantuar së fundmi nga “Sport Bild” vë në dukje se nga erdhi ky ndryshim i menjëhershëm në ambientin e kampionëve të Bundesligës.

Prestigjiozja e thekson se Juliani përpara takimit ndaj berlinezëve i kishte kërkuar falje grupit mbi sjelljen e pahijshme ndaj arbitrit Velz.

Ky gjest ka ardhur si obligim nga 35-vjeçari, i cili nuk ka dashur të shërbejë si shembull negativ. Më pas ish-tekniku i Lajpcigut e ka hedhur vështrimin drejt shpirtit ambicioz.

Qëllimi i kësaj strategjie ka të bëjë me nxitjen e futbollistëve, duke lënë mënjanë spektrin taktik.

Fraza si “Duaje fitoren, lufto dhe urreje humbjen”, kumbonin kudo. Ajo çka mund të analizohet është përfundimi i duelit të kreut me Unionin.

Bajerni, i frikshëm nga minuta e parë e deri në sinjalizimin e përfundimit të sfidës, njëkohësisht shkaktar i vuajtjes së miqve nga kryeqyteti.

E gjithë rezymeja e mësipërme i shkon për shtat qëndrimit të Hamanit, i cili jo shumë larg pohoi se bavarezët nuk kanë nevojë në rritjen taktike, pasi cilësitë e tyre janë të nivelit botëror, por rikthimin e frymës pozitive dhe nxitjen për lakmi.

E paqartë mbetet nëse ky reflektim i 35-vjeçarit ka ardhur nga fjalët e legjendës gjermane apo e ka zgjedhur vetë “ekuacionin” e suksesit dhe rikthimin e rekordmenëve në një “përbindësh” futbolli.