web counter
LEXO PA REKLAMA!

SHKARKO APP

App Store
Google Play

E fundit!

x

Nga Sormani te Colella, precedenti i braktisjes dhe drejtori Olsi Rama në krye të pankinës

2 Mars 2023, 12:45, Sport CNA

Nga Sormani te Colella, precedenti i braktisjes dhe drejtori Olsi Rama në

Të hënën, Partizani do të luajë kundër Tiranës, ndeshje e vlefshme për javën e 24-t të Superiores. Një sfidë që nuk zhvillohet vetëm për rezultat, por edhe për prestigj. Të kuqtë do të tentojnë të marrin një fitore, megjithëse klima brenda skuadrës nuk është shumë e qetë.

Humbja e djeshme 3-1 me Vllazninë ka trazuar ambientin e kuq me trajnerin Giovani Colella që po reflekton mbi të ardhmen e tij në krye të pankinës kryeqytetase. Italiani nuk doli në prononcimin e zakonshëm pas ndeshjes, teksa gazetarët raportuan se ka kërkuar dorëheqjen. Një situatë që na kthen 2 vite e gjysmë pas.

Duket si një “deja vu” ku sërish një italian është në krye të Partizanit. Asokohe luhej derbi mes Tiranës dhe Partizanit. Disa orë para takimit, trajneri Adolfo Sormani bashkë me stafin e tij braktisën të kuqtë para derbit prej frikës nga COVID-19.

Drejtimin e skuadrës në atë takim e mori Genc Tomori me Renaldo Kalarin, ku krahas tyre qëndronte dhe drejtori i përgjithshëm Olsi Rama. Ajo përballje u mbyll me shifrat 1-1. Tashmë disa ditë para derbit të radhës, një situatë e ngjashme vjen sërish përpara drejtuesve.

A do të pranohet dorëheqja e Colellës vetëm disa ditë para kësaj supersfide? Zhvillime të reja priten në orët e ardhshme. 





Lajmet e fundit nga