web counter
LEXO PA REKLAMA!

SHKARKO APP

App Store
Google Play

E fundit!

x

E bujshme/ Mitaj drejt kalimit në Serie A, zbulohen klubet që e kërkojnë

15 Qershor 2024, 12:37, Sport CNA

E bujshme/ Mitaj drejt kalimit në Serie A, zbulohen klubet që e

Mario Mitaj, ishte një nga zbulimet e trajnerit Silvinjo te Shqipëria. Mbrojtësi i majtë, i ka mahnitur  të gjithë me paraqitjet e treguara, ndërsa është kthyer në titullar të padiskutueshëm në formacionin e kuqezinjve.

20-vjeçari është pjesë e Lokomotivës së Moskës në Rusi, aty ku hapësirat për të kanë qenë të pakta.

Lojtari po përgatitet për një aventurë të re dhe në merkaton e verës, pritet të bëjë një hap të madh në karrierë.

Sipas raportimeve nga “Sky Sport”, dy klube të Serisë A, kanë shfaqur interes serioz për Mitajn. Bëhet fjalë për Lazion dhe për Bologna-n.

Lojtari pëlqehet shumë nga drejtuesit e dy klubeve, që do të tentojnë ta afrojnë në skuadër. Mbrojtësi i majtë, njihet për lojën taktike dhe daljet e shpejta në sulm, çka e ndihmon ekipin në të dyja fazat e lojës.

Te Bologna, po përgatiten të shesin Kalafiorin te Juventusi dhe Mitaj duket si profili i duhur për ta zëvendësuar. Nëse ky transferim do të realizohej, futbollisti shqiptar do të kishte mundësinë të luante në Ligën e Kampioneve.

Me herët, për Mitajn është përfolur edhe për një interesim të Juventusit, por bardhezinjtë, duket se kanë ndryshuar objektiv në merkato.

Mitaj e filloi karrierën e tij me të rinjtë e AEK-ut, ndërsa që në moshë të re, u bë pjesë e ekipit të parë. Mbrojtësi kaloi te Lokomotiv Moska në vitin 2022 dhe në sezonin e tij debutues me klubin rus, ai bëri 27 paraqitje në të gjitha.

Sezoni i fundit ka qenë i vështirë për Mitajn në Rusi, për shkak se trajneri për shumicën e ndeshjeve e ka lënë në stol, pavarësisht formës shumë të mirë të lojtarit.





Lajmet e fundit nga