web counter
LEXO PA REKLAMA!

SHKARKO APP

App Store
Google Play

Statistika historike/ Gjermania vendos rekorde në ndeshjen e parë

15 Qershor 2024, 11:57, Sport CNA

Statistika historike/ Gjermania vendos rekorde në ndeshjen e parë

Gjermania e nisi në mënyrën më të mirë të mundshme aventurën në Europian, me një fitore bindëse ndaj Skocisë, me rezultatin 5-1.

Përtej shifrave të thella, “pancerat” regjistruan edhe disa statistika të shkëlqyera. Pjesa e parë, u mbyll në avantazh 3-0 për gjermanët, diçka që nuk ishte arritur asnjëherë më parë.

Në të gjithë histroinë e Europianëve, Gjermania nuk kishte shënuar kurrë tre gola në pjesën e parë. Skuadra e Nagelsman, u shfaq e frikshme që në fillim, duke krijuar raste të shumta.

Ndeshja e mbrëmshme, ishte historike edhe për timonerin e gjermanëve. Julian Nagelsman, u bë trajneri i parë në histori të Europianit, që trajnon një lojtar më të vjetër se mosha e tij.

Bëhet fjalë për portierin Manuel Neuer, që numëron 38 vite mbi supe, ndërsa Nagelsman është 36 vjeç.

Lojtari më i mirë i ndeshjes, u zgjodh Jamal Musiala. Ylli i Bayern-it, ishte i kudondodhur në fushë dhe në fund të takimit mori çmimin e më të mirit.

Ndaj Skocisë, Musiala shënoi një gol, ndërsa ishte vendimtar edhe në golat e tjerë të kombëtares së tij.

Në këtë takim, Toni Kroos, ishte fenomenal, ndërsa regjistroi plot 101 pasime. Mesfushori gaboi vetëm një pasim gjatë gjithë takimit.

Ndeshja Gjermani-Skoci, është e dyta në histori për numrin e golave të shënuar në sfidën hapëse. Më shumë gola, janë bërë vetëm në vitin 1960, kur Jugosllavia mposhti Francën 5-4.

Në Europian, Gjermania është organizatore e turneut, ndërsa bën pjesë në Grupin A, së bashku me Skocinë, Zvicrën dhe Hungarinë.





Lajmet e fundit nga