web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria nis rrugëtimin në Europian, sot ndeshja me Italinë

15 Qershor 2024, 10:10, Sport CNA

Shqipëria nis rrugëtimin në Europian, sot ndeshja me Italinë

Shqipëria do të luajë mbrëmjen e kësaj të shtune, ndeshjen e para të Europianit, ndaj Italisë. Kuqezinjtë e Silvinjos, vijnë me moralin e lartë dhe do të kërkojnë të bëjnë surprizën e madhe.

Nuk do të jetë ndeshje e lehtë, duke ditur që përballë janë kampionët në fuqi të turneut. Italia, ndonëse vjen në një moment të vështirë, ka treguar gjithmonë se në Europian, shnëdrrohen në një ekip ndryshe.

Për fatin e mirë, te Shqipëria nuk ka pasur asnjë dëmtim dhe të gjithë lojtarët janë të gatshëm për këtë përballje, tejet të rëndësishme.

Pas kualifikueseve spektakolare, kuqezinjtë duan të lënë shenjën  e tyre edhe në Euro 2024. Në fushë mund të ketë diferenca sa i përket emrave, por Shqipëra, ka një plus të madh, që janë tifozët.

Stadiumi i Dortmundit, pritet të pushtohet nga ngjyrat kuqezi, pasi mesohet se rreth 50 mijë bileta janë shitur vetëm për Shqipërinë. Sfidë e bukur dhe emocionuese, e cila mbetet për tu shijuar.

Në prag të ndeshjes, trajneri i kuqezi, Silvinjo, pranoi vështirësitë që do të ketë si ndeshje, por theksoi se Shqipëria nuk dëshiron të jetë kalimtare në këtë Europian.

Sipas tij, skuadra do të luftojë për çdo pikë dhe më pas gjithçka i mbetet fushës, që do të vendosë për fituesin.

Në të njëjtën linjë ishte edhe kapiteni Berat Gjimshiti, i cili tha se në rast se ekipi e nis me këmbën e mbarë, do të jetë më mirë për të ardhmen.

Ndeshja mes Shqipërisë dhe Italisë, do të luhetnë stadiumin e Dortmundit, duke nisur nga ora 21:00. Në grupin e Europianit, kombëtarja do të përballet edhe me Spanjën dhe Kroacinë.  





Lajmet e fundit nga