web counter
LEXO PA REKLAMA!

SHKARKO APP

App Store
Google Play

Gjermani e “frikshme”, skuadra e Nagelsmann shkëlqen me “pesë yje”

14 Qershor 2024, 23:05, Sport CNA

Gjermani e “frikshme”, skuadra e Nagelsmann shkëlqen me

Gjermania e nisi Europianin në mënyrën më të mirë të mundshme, duke mposhtur me shifrat e thella 5-1 Skocinë në ndeshjen hapëse të turneut.

“Pancerat” ishin të papërmbasjtshëm dhe e nisën takimin me presing asfiksues. Një fitore e rëndësishme për gjermanët, që shihen si favoritë për trofeun dhe i japin një mesazh të qartë rivalëve.

Pas disa tentativave të pasuksesshme, në minutën e 10-të, Wirtz zhbllokoi ndeshjen, duke shënuar me një gjuajtje të bukur nga jashtë zone, pas asistit të marrë nga Kimmich.

Pavarësisht golit, Gjermania nuk i ndali rastet dhe në minutën e 19-të, ishte Musiala që shfrytëzoi një pasim të marrë nga Havertz per të shënuar të dytin.

Në fundin e pjesës së parë, gjithçka u bë më e lehtë për organizatorët. Gundogan, fitoi një penallti me VAR, ndërsa skocezët mbetën me 10 lojtarë, pasi Porteus u ndëshkua me karton të kuq.

Pjesa e dytë nisi me Skocinë në sulm, por përsëri vendasit kishin rastet më të mira për shënim.

Në minutën e 68-të, Fulkrug, i sapor futur në fushë, shenoi të tretin, me një gjuajtje të fortë me të djathtën.

Sulmuesi gjeti sërish golin 8 minuta më vonë, por u anulua nga VAR-i, për pozicion jashte loje. Skocia ngushtoi diferencat në minutën e 87-të, pas autogolit të Rudiger, por Emre Can, me një predhë nga jashtë zone, e ndali topin në rrjetë, duke vulosur takimin në 5-1.

Fitore tejet e rëndësishme për të besuarit e Nagelsmann, që ndeshjen e radhës në grup e luajnë ndaj Hungarisë më 19 qershor.





Lajmet e fundit nga