web counter
LEXO PA REKLAMA!

SHKARKO APP

App Store
Google Play

Pritjes i erdhi fundi! "Euro 2024" ngre siparin sot

14 Qershor 2024, 10:49, Sport CNA

Pritjes i erdhi fundi! "Euro 2024" ngre siparin sot

Pritjes i erdhi fundi! "Euro 2024", ngre siparin mbrëmjen e kësaj të premte. Organizatorët e Gjermanisë do të përballen në ndeshjen hapëse me Skocinë.

Nuk ka dyshime se do të jetë një Europian emocionues, pjesë e të cilit është edhe Kombëtarja shqiptare. Kuqezinjtë do të kërkojnë të lënë shenjë, pavarësisht se janë në grupin e hekurt, me kombëtare të mëdha si Spanja, Italia dhe Kroacia. Europiani është turneu që prodhon surpriza dhe një nga surprizat do të provojë të jetë edhe Shqipëria.

Do të jetë 1 muaj i zjarrtë dhe spektakolar, nga 14 qershori deri më 14 korrik, me finalen e madhe të Berlinit.

Italia vjen me statusin e kampiones në fuqi dhe padyshim janë një nga favoritët për të marrë trofeun. Në rreshtin e favoritëve, janë gjithashtu edhe Anglia, Franca, Spanja dhe Gjermania.

Edicioni i 17-të i Kampionatit Evropian në Gjermani do të zgjasë një muaj. Ndeshja hapëse do të zhvillohet në "Allianz Arena" të Mynihut dhe finalja në stadiumin Olimpik të Berlinit.

Në turne marrin pjesë 24 vende, duke përfshirë 9 fitues të trofeve, përkatësisht Republikën Çeke dhe Sllovakinë, Danimarka, Franca, Gjermania, Italia, Holanda, Portugalia dhe Spanja.

"Euro 2024" do të mbahet në 10 qytete, ku përfshihen Berlini, Mynihu, Këlni, Dortmundi, Dyseldorfi, Frankfurti, Gelsenkirshen, Hamburgu, Lajpcigu dhe Shtutgarti.

Gjermania është i vetmi vend që ka marrë pjesë në 14 kampionate evropiane të futbollit. “Panzerat” së bashku me Spanjën kanë më shumë trofe nga të gjitha vendet e tjera, me 3 kupa.

"Euro 2024" do të ketë 51 ndeshje në 22 ditë të ndryshme ndeshjesh.





Lajmet e fundit nga