web counter
LEXO PA REKLAMA!

SHKARKO APP

App Store
Google Play

E bujshme/ Kampionati i madh si Superiorja, mendohet futja e “Final Four”

14 Maj 2025, 19:51, Sport CNA

E bujshme/ Kampionati i madh si Superiorja, mendohet futja e “Final

Autoritetet përgjegjëse për organizimin e Ligue 1 po shqyrtojnë mundësinë e ndryshimit të formatit aktual të kampionatit francez, me synimin për të rritur nivelin e konkurrencës dhe për të krijuar më shumë interes në garën për titullin. Sipas “L'Équipe”, në tavolinë është vendosur një propozim për të futur një sistem “Final Four” që do të përfshinte katër skuadrat më të mira të renditura në fund të sezonit të rregullt.

Ky model do të përfaqësonte një risi për futbollin profesionist francez në kategorinë e meshkujve, por jo të panjohur në nivel ndërkombëtar, pasi një skemë e ngjashme përdoret prej dy sezonesh edhe në Shqipëri.

Në këtë format, skuadra e parë në renditje do të përballet me të katërtën, ndërsa e dyta me të tretën, në dy gjysmëfinale. Fituesit e këtyre përballjeve do të kalojnë në finalen që do të përcaktojë kampionin e sezonit.

Ideja është pritur pozitivisht nga një pjesë e drejtuesve të Ligue 1. Objektivi është i qartë: të rritet atraktiviteti i garës për titullin dhe të shmanget dominimi i njëanshëm i një skuadre, siç ka ndodhur në vitet e fundit me Paris Saint-Germain.

Dominimi i PSG-së në dekadën e fundit ka reduktuar në mënyrë të konsiderueshme paparashikueshmërinë e sezonit, duke ndikuar edhe në ndjeshmërinë e publikut dhe audiencën televizive.





Lajmet e fundit nga