web counter
LEXO PA REKLAMA!

SHKARKO APP

App Store
Google Play

Vllaznia u turpërua në finalen e titullit, Xhaferi: Ky nuk është fundi

13 Maj 2025, 14:56, Sport CNA

Vllaznia u turpërua në finalen e titullit, Xhaferi: Ky nuk

Vllaznia dështoi sërish për të fituar një titull kampion, i cili mungon prej 24 vitesh. Shkodranët i shkuan shumë afër trofeut, por zhgënjyen totalisht në finalen e madhe.

Kuqeblutë u dorëzuan pa kushte ndaj Egnatias, me rrogozhinasit që triumfuan me rezultatin e thellë 4-0.

Për herë të parë pas kësaj, ka reaguar edhe presidenti i Vllaznisë, Alban Xhaferi, i cili u ka kërkuar ndjesë tifozëve.

Në postimin e tij, ai thotë se ky nuk është fundi, por një peng që motivon më shumë për të ardhmen.

"Faleminderit tifozë! Një falënderim nga zemra për të gjithë tifozët që mbushën "Arenën Kombëtare", që udhëtuan, sakrifikuan dhe i qëndruan pranë Vllaznisë me gjithë shpirt. Prania dhe mbështetja juaj ishte madhështore, ashtu siç vetëm Shkodra di ta bëjë.

Njëkohësisht, ndjej detyrimin t’ju kërkoj ndjesë, veçanërisht tifozëve të flaktë dhe besnikë, për rezultatin zhgënjyes dhe mënyrën si përfundoi kjo finale. E dimë se ju dhatë gjithçka për ne, por nuk arritëm t’jua shpërblejmë ashtu siç e meritonit: me trofeun.

Megjithatë, ky nuk është fundi. Është vetëm një peng që na motivon më shumë. Ne do të rikthehemi, me më shumë forcë, me më shumë uri dhe me më shumë përkushtim. Forca Vllaznia, krenaria jonë qe nuk shuhet kurrë”, shkruan Xhaferi.





Lajmet e fundit nga