web counter
LEXO PA REKLAMA!

SHKARKO APP

App Store
Google Play

E fundit!

x

Dusseldorf-i shpërdoron avantazhin 3-0, Bochum qëndron në Bundesligë

28 Maj 2024, 11:50, Sport CNA

Dusseldorf-i shpërdoron avantazhin 3-0, Bochum qëndron në

Bochum-i bëri surprizën e madhe duke siguruar qëndrimin në Bundesligën gjermane.

Skuadra e drejtuar nga Butsher humbi ndeshjen e parë në shtëpi me rezultatin 3-0 ndaj Fortuna Dusseldorf, por në sfidën e kthimit, i mahniti të gjithë.

Qëndrimi në elitë dukej i pamundur para ndeshjes, por lojtarët e Bochum-it nuk u dorëzuan.

Miqtë triumfuan 3-0 në ndeshjen e kthimit, për ta dërguar sfidën te penalltitë.

Hofmann ishte një nga më të mirët në fushë, pasi shënoi dy golat e parë. Fillimisht, sulmuesi zhbllokoi ndeshjen në minutën e 18-të, ndërsa në të 66-ën realizoi të dytin. Stoger në minutën e 70-të shënoi të tretin, rezultat me të cilin u mbyll koha e rregullt dhe 120 minuta lojë.

Nga penalltitë, skuadra e Bohumit u tregua më e saktë, duke shënuar 6 gola në 7 gjuajtje, ndërsa vendasit gabuan në dy goditje.

Në fund shpërtheu festa te miqtë, që ia dolën të qëndrojnë në elitë, pas një sezoni me vuajtje të mëdha dhe në një kohë kur gjithçka dukej e pamundur.

Ndërkohë, Dusseldorf-i do të vazhdojë të luajë në Bundesligën e Dytë, të paktën edhe për një tjetër sezon, pasi dështuan para tifozëve të tyre.





Lajmet e fundit nga