web counter
LEXO PA REKLAMA!

SHKARKO APP

App Store
Google Play

HISTORIKE! Egnatia fiton titullin kampion në Shqipëri

26 Maj 2024, 20:58, Sport CNA

HISTORIKE! Egnatia fiton titullin kampion në Shqipëri

Egnatia shkruan historinë dhe shpallet kampione e Shqipërisë për herë të parë.  

Rrogozhinasit, triumfuan minimalisht në finalen e titullit ndaj Partizanit. Vendosi një gol i shënuar nga Ibrahimoglu në minutën e 35-të, për t’i dhënë fitoren Egnatias.

Egnatia kishte një dominim absolut ndaj Partizanit në pjesën e parë. Rrogozhinasit bënë një lojë të mirë në 45-minutat e para, duke “shtypur” demat në “Air Albania”. Sigurisht goli i Ibrahimoglus në minutën e 35-të të pjesës së parë ngriti “peshë” të gjthë rrogozhinasit, ndërsa la të shtangur nën vend të kuqtë. Po në pjesën e parë, të kuqve iu anulua një gol, pasi Taylor pa një faull brenda zonës së Egnatias.

Edhe pjesën e dytë ekipi i Edlir Tetovës e nisi vrullshëm, por më pas Partizani nisi të fitonte terren. Rrogozhinasit u mbrojtën më shumë, teka nuk munguan rastet për gol në të dyja portat. Alen Sherri në minutën e 67-të bën një pritje fantastike, teksa ndal në gol të sigurtë të Taipit.

Gjithashtu Spahiu në minutën e 81-të të sfidës goditi shtyllën, me Egnatian që i shkoi këshut afër golit të dytë. Minutat e mbetura do të ishin mjaft të luftuara, por nuk do të kishte ndryshim rezultati deri në fund. 

Pas kampionatit, të mbyllur në vendin e parë, skuadra e Edlir Tetovës, ia doli të triumfojë edhe në “Final Four”, për të marrë titullin kampion.





Lajmet e fundit nga